Ertu fćdd(ur) 1996 til 2001 og viltu komast á sćnskunámskeiđ í vinabćnum Piteĺ?

  • Fréttir
  • 15. maí 17

Viltu kynnast jafnöldrum þínum á Norðurlöndunum, taka þátt í skemmtilegu sumarnámskeiði og prófa eitthvað nýtt? Norræna félagið í Grindavík, í samstarfi við Grindavíkurbæ, vinabæinn Piteå í Svíþjóð og Norðurlandaráð, býður upp á námskeið í sænsku sem sérstaklega er ætlað fyrir vinabæi Piteå. Námskeiðið fer fram dagana 23. júlí til 2. ágúst n.k. Innifalið er flug, gisting, matur og námskeiðið sjálft. 

Í boði eru tvö sæti á námskeiðinu fyrir ungmenni í Grindavík fædd á árunum 1996 til 2001. Þeir sem ekki eru orðnir 18 ára þurfa skriflegt leyfi frá forráðamönnum. Innifalið í boðinu er flug, gisting og námskeiðið sjálft. Æskilegt er að umsækjandi hafi bakgrunn og/eða góðan námsárangur í einhverju af Norrænu tungumálunum.

Þeir sem hafa áhuga að sækja námskeiðið eru beðnir að senda tölvupóst með eftirfarandi upplýsingum á netfangið frida@grindavik.is:

• Nafn, heimilisfang
• Góður rökstuðningur hvers vegna þú viltu fara á námskeiðið og hvernig það nýtist þér?
• Hvernig metur þú kunnáttu þína í Norrænum tungumálum?
• Það styrkir umsóknina að senda með einkunnir úr grunnskóla og/eða framhaldsskóla í Norrænu tungumáli.

Umsóknarfrestur er til 1.júní nk. 

Grindavíkurbær og Norræna félagið í Grindavík

Deildu ţessari frétt