1444. fundur Bæjarráðs Grindavíkur haldinn í bæjarstjórnarsal, þriðjudaginn 9. maí 2017 og hófst hann kl. 17:00.
Fundinn sátu:
Hjálmar Hallgrímsson formaður, Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. 1610065 - Hádegismatur eldri borgara: Beiðni um niðurgreiðslur
Til fundarins voru mætt Nökkvi Már Jónsson, sviðsstjóri félagsþjónustu- og fræðslusviðs og Stefanía Sigr. Jónsdóttir forstöðukona Miðgarðs og gerðu þau grein fyrir minnisblaði sínu.
Bæjarráð felur bæjarstjóra ásamt sviðsstjóra fjármála- og stjórnsýslusviðs og sviðsstjóra félagsþjónustu- og fræðslusviðs að kanna áhuga HSS á áframhaldandi leigu á eldhúsi á Austurvegi 5.
2. 1705005 - Umsókn um námsvist utan lögheimilissveitarfélags
Til fundarins var mættur Nökkvi Már Jónsson, sviðsstjóri félagsþjónustu- og fræðslusviðs og kynnti hann málið.
Lögð fram beiðni um að Grindavíkurbær greiði fyrir grunnskólavist í Kópavogi fyrir eitt barn.
Bæjarráð hafnar erindinu.
3. 1705017 - Fjárhagsáætlun 2017: Beiðni um viðauka
Til fundarins var mættur Nökkvi Már Jónsson, sviðsstjóri félagsþjónustu- og fræðslusviðs og kynnti hann málið.
Sviðsstjóri félagsþjónustu- og fræðslusviðs óskar eftir viðauka við fjárhagáætlun ársins 2017 til að kaupa ljósritunarvél.
Bæjarráð leggur til við bæjarstjórn að samþykkja viðauka við fjárhagsáætlun ársins 2017 að fjárhæð 750.000 kr. sem fjármagnaður verði með lækkun á handbæru fé.
4. 1502076 - Fjölmenningarstefna: vinna verkefnishóps
Ásrún Kristinsdóttir bæjarfulltrúi gerir grein fyrir málinu.
Bæjarráð skipar bæjarstjóra og sviðsstjóra frístunda- og menningasviðs í nefndina og felur þeim að halda áfram þar sem frá var horfið.
5. 1705019 - Kalka - Sorpeyðingarstöð Suðurnesja: Tillaga stjórnar SS um að hefja flokkun úrgangs
Lögð fram tillaga stjórnar SS um að hefja flokkun úrgangs.
Bæjarráð lýsir ánægju sinni með tillöguna og leggur til við bæjarstjórn að samþykkja tillöguna.
6. 1504033 - Minnisvarði um áhöfn og sögu flugvélar sem fórst í Fagradalsfjalli 3. maí 1943: Heimild til uppsetningar
Áhugamenn um flugsögu stríðsáranna á Íslandi hafa óskað eftir heimild til að setja upp minnisvarða um áhöfn og sögu flugvélar sem fórst í Fagradalsfjalli 3. maí 1943.
Bæjarráð býður ábyrgðarmönnum verkefnisins til fundar við bæjarráð þann 23. maí nk.
7. 1705014 - Samtök orkusveitarfélaga: ársreikningur 2016
Ársreikningur Samtaka orkusveitarfélaga fyrir árið 2016 er lagður fram til kynningar.
8. 1704038 - Fundargerðir: Samtök sjávarútvegssveitarfélaga 2017
Ársreikningur Samtaka sjávarútvegssveitarfélaga fyrir árið 2016 er lagður fram til kynningar.
Fleira ekki gert. Fundi slitið kl. 18:05.