Fundur 64

64. fundur Fræðslunefndar haldinn í bæjarstjórnarsal, mánudaginn 8. maí 2017 og hófst hann kl. 17:00.

Fundinn sátu:
Þórunn Svava Róbertsdóttir formaður, Klara Halldórsdóttir aðalmaður, Ámundínus Örn Öfjörð aðalmaður, Guðmundur Grétar Karlsson aðalmaður, Valdís Inga Kristinsdóttir áheyrnarfulltrúi, Petra Rós Ólafsdóttir áheyrnarfulltrúi, Fríða Egilsdóttir leikskólastjóri, Inga Þórðardóttir skólastjóri, Halldóra Kristín Magnúsdóttir grunnskólastjóri, Hulda Jóhannsdóttir leikskólastjóri, Sæborg Reynisdóttir áheyrnarfulltrúi og Elva Björk Guðmundsdóttir áheyrnarfulltrúi.

Fundargerð ritaði: Ingibjörg María Guðmundsdóttir, yfirsálfræðingur.

Dagskrá:

1. 1202032 - Reglur Grindavíkurbæjar um inntöku barna á leikskóla
Lögð fram könnun sem sýnir að sex af þrettán sveitarfélögum veita börnum starfsmanna leikskóla forgang að vistun. Fyrir liggur tillaga um að börn starfsmanna leikskóla í Grindavíkurbæ fái forgang að leikskóla. Fræðslunefnd samþykkir breytingu á reglum um inntöku barna þannig að starfsmenn í leikskólum í Grindavík hafi forgang með ákveðnu skilyrði sem kemur fram á sérstöku umsóknareyðublaði.

2. 1705016 - Ytra mat sveitarfélags á skólastarfi
Lögð fram samantekt á fyrirkomulagi ytra mats á skólastofnunum innan Grindavíkurbæjar. Samþykkt er út frá umræðum fundarins að gerðar verði verklagsreglur um úrvinnslu á ytra mati fyrir skólaskrifstofu og skólastofnanir bæjarins. Jafnframt er lagt til að lögð verði fram ný fimm ára áætlun um ytra mat á skólum og skólaþjónustu sveitarfélagsins á fundi fræðslunefndar í haust.

3. 1704020 - Ráðningarmál: Skólastjóri grunnskóla 2017
Guðbjörg M. Sveinsdóttir hefur verið ráðin skólastjóri Grunnskóla Grindavíkur frá 1. ágúst 2017. Fræðslunefnd óskar Guðbjörgu til hamingju með starfið og óskar henni velfarnaðar og býst við góðu samstarfi.

 

 

Fleira ekki gert. Fundi slitið kl. 18:20.

 

Grindavík.is fótur