Það var vor í lofti á skólalóð Hópskóla í morgun. Vinaliðar voru í frímínútum, tilbúnir til að stjórna leikjum eins og körfubolta, verpa eggjum, klemmuhlaupi og fleiru. Börnin undu sér vel og greinilegt að allir eru tilbúnir til að taka á móti hlýjum vindum.
Vinaliðar starfa í ákveðnum frímínútum. Þeir eru kosnir af samnemendum sínum og starfa í eina önn í senn. Það er heiður að vera í vinaliðahlutverkinu. Í byrjun fara þeir á námskeið með leiðbeinendum sínum og í lok annarinnar fá þeir að fara í ferð á vegum skólans.