1443. fundur bæjarráðs Grindavíkur haldinn í bæjarstjórnarsal, þriðjudaginn 2. maí 2017 og hófst hann kl. 17:00.
Fundinn sátu:
Hjálmar Hallgrímsson formaður, Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. 1602104 - Daggæsla í heimahúsi: Tillögur um eflingu þjónustu
Sviðsstjóri skipulags- og umhverfissviðs sat fundinn við umræður og afgreiðslu þessa máls.
Bæjarráð samþykkir að fela sviðsstjóra félagsþjónustu- og fræðslusviðs að auglýsa eftir dagmæðrum sem tilbúnar eru að starfa í húsnæði í eigu bæjarins.
Jafnframt samþykkir bæjarráð að fela sviðsstjóra skipulags- og umhverfissviðs að útfæra nánar tilboð 1b frá Stólpa Gámum, dags. 26. apríl sl. og leggja fyrir bæjarráð.
2. 1704037 - Hóp: Endurgreiðsla á ræktun
Sviðsstjóri skipulags- og umhverfissviðs sat fundinn við umræður og afgreiðslu þessa máls.
Drög að samkomulagi um greiðslu fyrir ræktað land lagt fram.
Sviðsstjóri skipulags- og umhverfissviðs óskar eftir viðauka við fjárhagsáætlun 2017 að fjárhæð 1.143.000 kr. til að greiða fyrir ræktun á hluta úr landi jarðarinnar Hóps í Grindavík.
Bæjarráð samþykkir samkomulagið og leggur til við bæjarstjórn að samþykkja viðauka að fjárhæð 1.143.000 kr. sem fjármagnaður verði með lækkun á handbæru fé.
3. 1703062 - Húsnæðisáætlanir: Undirbúningur og gerð
Sviðsstjóri skipulags- og umhverfissviðs sat fundinn við umræður og afgreiðslu þessa máls.
Lögð fram verðkönnunargögn í gerð húsnæðisáætlunar.
Bæjarráð samþykkir að ganga til samninga við Eflu um gerð húsnæðisáætlunar fyrir Grindavíkurbæ.
4. 1701033 - Staðarvör 4: Ósk um lokaúttekt.
Sviðsstjóri skipulags- og umhverfissviðs sat fundinn við umræður og afgreiðslu þessa máls.
Leitað var eftir áliti lögfræðings og var minnisblað hans lagt fram.
Í minnisblaðinu kemur fram að með tilliti til laga, reglugerða og sölugagna er rétt að hafna því að sá kostnaður er kemur til vegna sérteikninga sé á ábyrgð sveitarfélagsins.
5. 1606003 - Tjaldsvæði: Smáhýsi
Sviðsstjóri skipulags- og umhverfissviðs sat fundinn við umræður og afgreiðslu þessa máls.
Samningur um afnot 240 ehf. af hluta tjaldsvæðahúss á tjaldsvæði Grindavíkurbæjar og samningur um afnot bílastæða lagðir fram.
Sviðsstjóra skipulags- og umhverfissviðs falið að vinna málið áfram.
6. 1703017 - Knattspyrnudeild UMFG: beiðni um framlengingu samnings um verktöku við umsjón mannvirkja 2017
Samningur við knattspyrnudeild UMFG vegna umsýslu eigna á knattspyrnuvelli lagður fram.
Bæjarráð felur bæjarstjóra að undirrita samninginn.
Jafnframt leggur meirihluti bæjarráðs til við bæjarstjórn að samþykkja viðauka við fjárhagsáætlun 2017 að fjárhæð 2.760.000 kr. á lið 06611-4341 sem verði fjármagnaður með lækkun á handbæru fé.
Ásrún situr hjá.
7. 1703011 - TG Raf: Bréf vegna þjónustusamnings
Sviðsstjóri skipulags- og umhverfissviðs sat fundinn við umræður og afgreiðslu þessa máls.
Lagt fram minnisblað bæjarstjóra vegna fundar við TG raf ehf.
8. 1704046 - Lánasjóður sveitarfélaga: Arðgreiðsla 2017
Tilkynning um arðgreiðslu á árinu 2017 að fjárhæð 5.346.990 kr. lögð fram.
Fleira ekki gert. Fundi slitið kl. 19:10.