Rán um hábjartan dag í Grindavík
Rán um hábjartan dag í Grindavík

Grindavík er komið í erfiða stöðu eftir grátlegt tap gegn KR á heimavelli í kvöld en KR kláraði leikinn með þristi þegar 5 sekúndur voru til leiksloka, lokatölur 88-89.

Karfan.is og Grindavik.is voru í samstarfi í kvöld og var fréttaritari síðunnar á leiknum:

Grindavík og KR mættust í kvöld í öðrum leik liðanna í úrslitum Domino's deildarinnar. KR vann fyrsta leikinn með fáheyrðum yfirburðum en Grindvíkingar virtust vera búnir að gleyma öllu um þann leik og hófu leikinn af miklum krafti og virtust ætla að keyra KR-inga í kaf. Staðan var orðin 12-4 eftir tæpar 4 mínútur og Finnur bað um leikhlé. Það dró þó ekkert úr Grindvíkingum sem hentu í tvo stóra þrista, annar þeirra spjaldið ofan í og staðan 18-4! Ótrúleg byrjun á leiknum sem átti þó eftir að jafnast út og verða æsispennandi fram á síðustu sekúndur, en KR vann leikinn á semi flautukörfu (5 sekúndur eftir) frá Philip Alawoya.

Kjarninn

Grindavík sýndi sitt rétta andlit í kvöld og spiluðu eins og þeir höfðu spilað í 8- og 4-liða úrslitum, á fullu gasi allan tíma og gáfu aldrei þumlung eftir, hvorki í vörn né sókn. Þannig verður Grindavík að spila ef þeir ætla að eiga möguleika í KR og því óneitanlega virkilega grátlegt fyrir Grindavík að leggja hjarta og sál í þennan leik en tapa honum samt.

KR sýndi líka í kvöld hversu brjálæðislega vel mannað liðið er og hversu mikil reynsla býr í því. Jón Arnór tók leikinn hreinlega yfir í lokin og Acox átti hressilega innkomu með 13 fráköst og 9 stig á tæpum 19 mínútum og réðu Grindvíkingar lítið við hann í kringum körfuna, þar sem hann mætti reynar klára færin sín betur.

Lokamínúturnar

Grindvíkingar voru með leikinn í höndum sér allt fram að síðustu sókn KR-inga. Þeir voru 6 stigum yfir þegar 1:30 voru eftir og 4 stigum yfir þegar mínúta var til leiksloka. En þá klikkaði allt hjá heimamönnum sem klikkað gat. Lewis Clinch sem hafði spilað eins og engill átti slæma sendingu sem endaði í hraðaupphlaupi KR-inga í stöðunni 88-86 og 15 sekúndur eftir. Grindavík lokaði á allar skyttur KR og boltinn endaði á Alawoya sem tók sitt annað þriggjastigaskot í viðureigninni. Boltinn skoppaði á hringnum og endaði svo ofan í og 5 sekúndur eftir.

Jóhann tók leikhlé en hann hafði sett upp nokkrar fallegar fléttur fyrir Grindvíkinga eftir leikhlé í leiknum. Sú varð ekki raunin að þessu sinni og leikurinn endaði á erfiðu tveggjastiga skoti frá Lewis og sigur KR staðreynd í ótrúlegum leik.

Tölfræðin lýgur ekki

Það var ekki að sjá á Grindvíkingum að þeir væru að skjóta á körfur sem þeir ættu að þekkja eins og handabakið á sér í vítum en þeir klikkuðu úr 8 vítum í 22 tilraunum. Það er rándýrt í leik sem tapast með 1 stigi.

Hetjan

Lewis Clinch hefði átt þennan titil skuldlaust ef sigurinn hefði dottið Grindavíkurmegin, en hann átti tvær afleitar sóknir í lokin og fyrirgerði þannig tilkalli sínum til hetjunafnbótarinnar. Tveir KR-ingar skipta því hetjunni á milli sín. Jón Arnór Stefánsson sem hélt KR inn í leiknum með hverri körfunni á fætur annarri, oft úr erfiðum færum því áðurnefndur Lewis spilaði mjög góða vörn á hann allan leikinn, og Kristófer Acox, sem kom eins og stormsveipur inn í leikinn. Ekki amalegt fyrir KR að fá mann eins og hann inn í liðið á lokasprettinum.

Ekki hetja dagsins


Pavel Ermolinskij átti einn sinn allra versta leik í háa herrans tíð. Hann setti aðeins eina körfu utan af velli í 9 tilraunum, þar af 7 fyrir utan þriggja, tapaði boltanum 7 sinnum, þar af tvisvar með mjög klaufalegum skrefum og skilaði -6 framlagspunktum og var -27 í +/- boxinu. Það segir kannski ýmislegt um styrkleika KR liðsins að þeir nái að landa sigri þrátt fyrir að Pavel hafi ekki mætt til leiks í kvöld.

Hvað næst?

KR er því komið í algjöra lykilstöðu í einvíginu og Grindavík þarf að vinna þrjá leiki í röð. Leikmenn liðsins voru ótrúlega svekktir í leikslok og sást manndrápsglampi í augum sumra. Nú þurfa þeir að hreinsa hausinn aftur og mæta dýrvitlausir í DHL höllina í næsta leik. Annars er voðinn vís og titillinn KR-inga.

Tölfræði leiksins

Myndasafn úr leiknum

Umfjöllun \ Siggeir F. Ævarsson
Myndir \ SbS

Viðtal við Ólaf Ólafsson eftir leik:

Viðtal við Dag Kár Jónsson eftir leik:

Nýlegar fréttir

fim. 18. jan. 2018    Ţorrablót á Króki á morgun
fim. 18. jan. 2018    Grindavík lagđi Keflavík - Dagur Ingi skorađi tvö
miđ. 17. jan. 2018    Kennarar úr Kópavogi í heimsókn
miđ. 17. jan. 2018    Handverk og hönnun - kynningarfundur í Kvikunni á morgun
miđ. 17. jan. 2018    Grćnfánanum flaggađ viđ Laut í fjórđa sinn
miđ. 17. jan. 2018    Pabba og afakaffi á Laut föstudaginn 19. janúar
miđ. 17. jan. 2018    Matseđill nćstu viku í Víđihlíđ
miđ. 17. jan. 2018    Fjölnisstúlkur fóru međ öll stigin úr Mustad-höllinni
miđ. 17. jan. 2018    Snyrtilegir fyrstu bekkingar
miđ. 17. jan. 2018    Óskilamunir
ţri. 16. jan. 2018    Ađalfundur GG laugardaginn 3. febrúar
ţri. 16. jan. 2018    Brennibolti í Hópinu nćstu tvo fimmtudaga
ţri. 16. jan. 2018    Flugukastnámskeiđ í Hópinu á sunnudögum
ţri. 16. jan. 2018    Björn Berg og Hákon Ívar áfram í Grindavík, Milos og Magnús Björgvins á förum
ţri. 16. jan. 2018    Grindavík gerđi jafntefli viđ FH í Fótbolta.net mótinu
ţri. 16. jan. 2018    Íbúafundur um Sjóarann síkáta í dag
mán. 15. jan. 2018    Grindavíkurstúlkur bikarmeistarar í 9. flokki
mán. 15. jan. 2018    Sigmundur Davíđ milliliđalaust á Bryggjunni á morgun
mán. 15. jan. 2018    Jón Axel stigahćstur í sigri Davidson
mán. 15. jan. 2018    Grindavíkurstúlkur bikarmeistarar í 10. flokki
fös. 12. jan. 2018    Opiđ sviđ á Bryggjunni föstudaginn 19. janúar
fös. 12. jan. 2018    Dósasöfnun meistaraflokks kvenna frestast aftur vegna veđurs
fös. 12. jan. 2018    Icelandic courses at MSS - Beginners and advanced
fim. 11. jan. 2018    Mest lesnu fréttir ársins 2017
fim. 11. jan. 2018    Grindavíkurstúlkur í bikarúrslitum um helgina
Grindavík.is fótur