Minja- og sögufélag Grindavíkur hlaut Menningarverđlaun Grindavíkur 2017
Minja- og sögufélag Grindavíkur hlaut Menningarverđlaun Grindavíkur 2017

Stofnun Minja- og sögufélags Grindavíkur átti sér nokkuð langan aðdraganda en lengi hafa verið uppi hugmyndir um að stofna í Grindavík byggðasafn til þess að varðveita minjar úr sögu Grindavíkur. Þær hugmyndir urðu loks að veruleika í nóvember 2013 þegar Minja- og sögufélag Grindavíkur var formlega stofnað. Svo til allir sem mættu á þann fund enduðu í fyrstu stjórn félagsins, en hana skipuðu Hallur Gunnarsson formaður, Siggeir F. Ævarsson, gjaldkeri, Einar Lárusson varaformaður, Þórunn Alda Gylfadóttur ritari, og Örn Sigurðsson meðstjórnandi.

Tilgangur félagsins er að stuðla í samvinnu við aðra að varðveislu menningarminja í Grindavík. Einnig að vekja áhuga fólks á sögu og forni menningu sveitarfélagsins og minjum um horfna tíma. Félagið hefur í dag í varðveislu sinni um 1.400 muni af ýmsum toga og er ávallt reiðubúið að bæta í safnið. Þeir sem hafa í fórum sínum muni sem þeir vilja koma til félagsins geta haft samband við Örn í síma 869-6820 eða Hall í síma 821-5304.

Félagið hefur aðstöðu á efri hæð Kvennó og þar er opið hús og heitt á könnunni flest miðvikudagskvöld kl. 20:00. Viðburðir og uppákomur á vegum félagsins eru auglýstir á Facebook-síðu þess, en hana má finna með því að slá inn „Minja- og sögufélag Grindavíkur" í leitinni á Facebook. Þeir sem hafa áhuga á að ganga í félagið eða taka þátt í starfinu á einn eða annan hátt eru hvattir til að kíkja í kaffi í Kvennó og kynna sér starf félagsins.

Eitt af fyrstu verkum félagins var að kaupa fasteignina Bakka, en Bakki er elsta uppistandandi verbúð á Suðurnesjum. Kaupin voru stór biti fyrir lítið félag sem var enn að slíta barnsskónum en með þrautlausri vinnu félagsmanna og dyggum stuðningi frá fyrirtækjum og félagasamtökum í bænum tókst að fjármagna kaupin. Nú er unnið að endurgerð Bakka og fékkst á dögunum styrkur í verkið úr Uppbyggingarsjóði Suðurnesja að upphæð 3.000.000 króna. Þá hefur Grindavíkurbær stutt vel við bakið á félaginu en haustið 2015 var skrifað undir samstarfssamning félagsins og bæjarfélagsins sem gildir til ársins 2018. Félagið hefur frá stofnun verið virkur þátttakandi í Menningarviku og menningarlífi hér í bænum og til að mynda staðið fyrir ljós- og kvikmyndasýningum, sögugönguferðum og fyrirlestrum. Hefur tilkoma félagsins verið sannkölluð vítamínsprauta í menningarlíf okkar Grindvíkinga.

Framkvæmdir við Bakka eru þegar hafnar og búið er að skipta um þak á húsinu. Tafir urðu þó á framkvæmdunum þar sem að kvikmyndafyrirtækið Zik Zak tók húsið á leigu til að taka upp kvikmyndina „Ég man þig" eftir Yrsu Sigurðardóttur. Þeim tökum er nú lokið og munu framkvæmdir vonandi fara á fullt með vorinu. Í framtíðinni mun Bakki vonandi verða nokkurs konar ígildi byggðasafns þar sem hægt verður að varðveita og sýna þá muni sem félagið hefur nú í sinni varðveislu.

Stjórn félagsins veturinn 2016-17, standandi frá vinstri: Marta Karlsdóttir gjaldkeri, Hallur Gunnarsson formaður og Viðar Geirsson ritari. Sitjandi frá vinstri: Örn Sigurðsson meðstjórnandi og Einar Lárusson, varaformaður.

 

Þessi grein birtist upphaflega í 1. tbl. Járngerðar 2017

Nýlegar fréttir

fös. 18. ágú. 2017    Getraunaţjónustan opnar međ risapotti
fös. 18. ágú. 2017    Golfnámskeiđ fyrir byrjendur
fim. 17. ágú. 2017    Vatnsleikfimi haustiđ 2017
miđ. 16. ágú. 2017    Skólabyrjun
miđ. 16. ágú. 2017    Tilkynning til foreldra vegna námsgagna
lau. 12. ágú. 2017    Körfuboltaskóli UMFG hefst á mánudaginn
ţri. 8. ágú. 2017    Ađalfundur Verkalýđsfélags Grindavíkur 22. ágúst
ţri. 8. ágú. 2017    Sumartími á Grindavik.is nćstu tvćr vikur
fim. 3. ágú. 2017    Grindavík leikur gegn Stjörnunni í kvöld - Róbert ósáttur viđ KSÍ
fim. 3. ágú. 2017    Miđgarđur lokađur ađ hluta vegna framkvćmda
ţri. 1. ágú. 2017    Opiđ sviđ á Bryggjunni í 30. sinn
fim. 3. ágú. 2017    Björgunarvesti í bođi fyrir bryggjudorgara
fim. 3. ágú. 2017    Golfnámskeiđ fyrir byrjendur hefst 9. ágúst
miđ. 2. ágú. 2017    Bćjarskrifstofurnar lokađar á föstudaginn
miđ. 2. ágú. 2017    Bókasafniđ lokađ á föstudag
ţri. 1. ágú. 2017    Kynningarfundur fyrir foreldra barna fćdd 2011
ţri. 1. ágú. 2017    Sirkussmiđja Húlladúllunnar 14.-18. ágúst - skráning hafin
ţri. 1. ágú. 2017    Ţriđja tapiđ í röđ stađreynd hjá Grindavík
mán. 31. júl. 2017    Grindavík - Víkingur í kvöld kl. 19:15
mán. 31. júl. 2017    Fćreyski landsliđsmađurinn Rene Joensen til Grindavíkur
fös. 28. júl. 2017    Hitađ upp fyrir Ţjóđhátíđ á Fish house
ţri. 25. júl. 2017    Edu Cruz og Simon Smidt í Grindavík
ţri. 25. júl. 2017    Angela Rodriguez ţjálfar stelpurnar í vetur - sex leikmenn skrifuđu undir
ţri. 25. júl. 2017    Knattspyrnudeild UMFG auglýsir eftir yfirţjálfara
ţri. 25. júl. 2017    Fimleikadeild UMFG auglýsir eftir ţjálfurum
Grindavík.is fótur