Gleđi, vinnusemi og fjölbreytni ráđa ríkjum í teymiskennslunni 1. bekk
Gleđi, vinnusemi og fjölbreytni ráđa ríkjum í teymiskennslunni 1. bekk

Í vetur hefur verið unnið að þróun teymiskennslu í 1. bekk í Grunnskóla Grindavíkur. Ráðgjafi er Þórhildur Helga Þorleifsdóttir kennsluráðgjafi sem hefur mikla reynslu af teymiskennslu. Helstu markmið verkefnisins eru:

• Að efla lærdómssamfélag í vinnuumhverfinu, metnað, gæði og fagmennsku.
• Að nýta kosti kennarateyma til teymiskennslu.
• Að auka vellíðan nemenda og ánægju í námi.
• Að nýta fjölbreyttar kennsluaðferðir betur til einstaklingsmiðaðs náms.
• Að byggja á sterkum hliðum nemenda og áhugasviðum þeirra.
• Að skapa heildstæða kennslu þannig að litið verði á hvern árgang sem eina heild.
• Að bæta og auka samstarf starfsfólks með aukinni faglegri samvinnu.



Ákvörðun og undirbúningur
Þegar farið var að huga að skipulagi kennslu á yngsta stigi fyrir þetta skólaár stóðum við frammi fyrir spurningum eins og hvernig eigum við að skipta árgöngum upp? Í Hópsskóla eru átta kennslustofur ætlaðar í bekkjarkennslu og fjöldi nemenda í hverjum árgangi hefur kallað á þrískiptingu hvers árgangs.



Að frumkvæði þeirra Önnu Lilju Jóhannsdóttur og Ásrúnar H. Kristinsdóttur var ákveðið að fara af stað með teymiskennslu í 1. bekk haustið 2016. Þriðji kennarinn Gréta Dögg Hjálmarsdóttir bættist fljótlega í hópinn. Ákveðið var að líta á verkefnið sem þróunarverkefni og leita eftir utanaðkomandi ráðgjöf til að styðja við verkefnið.
Þær Anna Lilja, Gréta Dögg og Ásrún unnu mikla undirbúningsvinnu í sumar. Breytingar voru gerðar á námsumhverfinu, opnað á milli kennslustofa og bætt við húsgögnum sem styðja við sveigjanlegt skólastarf. Á kynningarfundi með foreldrum í ágúst var námsumhverfið tilbúið og foreldrar fengu kynningu á fyrirhuguðu skipulagi.

Nokkrir kostir teymiskennslunnar
Allir nemendur 1. bekkjar hafa í raun 3 umsjónarkennara því nemendahópnum hefur ekki verið skipt upp milli kennaranna. Nemendur hafa alltaf aðgang að kennara, þeir geta valið að eiga meiri samskipti við einn frekar en annan. Einstaklingar eru ólíkir og með þessu móti er betur tryggt að allir nái tengingu.



Í kennslunni er lögð áhersla á að vinna með sterkar hliðar nemenda. Gert er ráð fyrir að nemendur séu mismunandi og lögð áhersla á fjölbreytt viðfangsefni. Að mati kennaranna er auðveldara að koma til móts við sérþarfir einstaklinga í fjölbreyttu námsskipulagi. Sérkennari og nýbúakennari koma meira inn á svæðið.

Nemendur kynnast fjölbreyttum vinnubrögðum, vinna í stórum hópi, litlum hópi, blönduðum hópum, einstaklingsvinnu. Nemendur læra að leggja mat á aðstæður, leita til þess kennara sem hefur möguleika á að svara hverju sinni. Þeir læra að leita svara við spurningum í félagahópnum og eru hjálpsamir.


Ef atvik koma upp í skólastarfinu sem þarf að vinna úr t.d. eftir frímínútur, getur einn kennaranna einbeitt sér að úrvinnslu atviks á meðan hinir tveir sjá um starf bekkjarins.

Ef forföll verða hjá kennara eru alltaf einhverjir til staðar sem þekkja starfið og leiða það áfram með forfallafólki. Skipulögð dagskrá breytist ekki.

Ekki má gleymi þætti foreldra sem voru tilbúnir að gefa breyttu skipulagi tækifæri og hafa reynst öflugur stuðningshópur við verkefnið.


Það hefur verið einstaklega gaman að fylgjast með starfinu í 1. bekk. Kennarar bekkjarins hafa lagt mikla vinnu í að þróa starfið og ánægjan og vinnusemin leynir sér ekki í nemendahópnum.

Halldóra K. Magnúsdóttir skólastjóri

 

Þessi grein birtist upprunalega í 1. tbl. Járngerðar 2017

Nýlegar fréttir

lau. 29. apr. 2017    Tökum saman höndum, siggasagga, siggasagga!
fös. 28. apr. 2017    Fjölbreytt náttúrufrćđikennsla - smakkađ á engisprettum
fös. 28. apr. 2017    Mörtugöngu frestađ
fös. 28. apr. 2017    Grindavík pakkađi KR saman - hreinn úrslitaleikur á sunnudaginn
miđ. 26. apr. 2017    Allir ađ mćta í gulu á morgun! Áfram Grindavík!
miđ. 26. apr. 2017    Sprengingar framundan í Grindavíkurhöfn
miđ. 26. apr. 2017    Grindvíkingar sigursćlir á páskamóti JR
miđ. 26. apr. 2017    Pennarnir á lofti í Gula húsinu
miđ. 26. apr. 2017    Vilt ţú stunda rekstur í Kvikunni?
miđ. 26. apr. 2017    Matseđill vikuna 1. - 5. mái í Víđihlíđ
ţri. 25. apr. 2017    Bćjarstjórnarfundur í beinni útsendingu núna
ţri. 25. apr. 2017    1. maí hátíđ í Grindavíkurkirkju - Leiksýning, pylsupartý og hoppukastali
ţri. 25. apr. 2017    Tölum saman - Samtal um ferđamál á Reykjanesi í Kvikunni
mán. 24. apr. 2017    KR lagđir ađ velli í Vesturbćnum!
mán. 24. apr. 2017    Útkall GULUR í kvöld!
mán. 24. apr. 2017    Mikiđ um dýrđir á vorfagnađi eldri borgara
mán. 24. apr. 2017    473. fundur Bćjarstjórnar Grindavíkurbćjar - dagskrá
mán. 24. apr. 2017    Bćjarmálafundir falla niđur í kvöld
mán. 24. apr. 2017    Óli Baldur međ fimm mörk í bikarsigri GG
mán. 24. apr. 2017    Sumarstörf á heilsuleikskólanum Króki
mán. 24. apr. 2017    Hitađ upp fyrir Pepsi-deildina í Gjánni annađ kvöld
fös. 21. apr. 2017    Rán um hábjartan dag í Grindavík
fös. 21. apr. 2017    Leikur 2 í kvöld - hvar verđur ţú?
fös. 21. apr. 2017    Jón Steinar međ forsíđumyndina á 200 mílum
fös. 21. apr. 2017    Bandarískur skólahópur heimsótti Kvikuna
Grindavík.is fótur