Litlir skólar búa svo sannarlega yfir miklum möguleikum
Litlir skólar búa svo sannarlega yfir miklum möguleikum

Frá haustönn 2015 hefur hópur nemenda við Grunnskóla Grindavíkur tekið þátt í skemmtilegu Nordplus verkefni sem ber heitið „Lítill skóli - margir möguleikar" (Small schools - Big Opportunities). Nemendur hafa farið í heimsókn til Gislev í Danmörk, Hvalvík í Færeyjum og Skujene í Lettlandi. Í þeim heimsóknum hafa nemendur unnið verkefni og kynnst landi og þjóð og menningu landanna. Framundan er síðasta samvera þessara nemenda hér í Grindavík 14.-22. maí. Þá er von á 53 nemendum frá áðurnefndum löndum sem munu fá að njóta hinnar víðfrægu gestrisni okkar Grindvíkinga.

Það er 12 manna nemdendahópur sem hefur tekið þátt í verkefninu hér í Grindavík. Hópurinn er fjölbreyttur, í honum eru bæði strákar og stelpur úr tveimur árgöngum. Ferðalögin og samveran hafa þjappað hópnum saman og myndast hafa ný vinabönd og þéttur kjarni sem hefur upplifað eitt og annað saman á ferðalögum sínum.

Blaðamaður Járngerðar fór og hitti hópinn á dögunum og spjölluðum við saman um verkefnið. Kom þar fljótt í ljós að krakkarnir höfðu upplifað ýmis ævintýri á ferðum sínum og kynnst nokkrum mismunandi menningarheimum. Skólinn í Lettlandi er t.a.m. staðsettur lengst út í sveit og aðstæður þar öllu frumstæðari en við eigum að venjast úr þægindum okkar hér á Íslandi. Þar lenti hópurinn líka í ákveðnum hremmingum á flugvellinum þegar þar brotlenti flugvél á flugbrautinni rétt áður en þau áttu sjálf að fara í loftið. „Neyddist" hópurinn því til að gista á 4 stjörnu hóteli þar sem flugvellinum var lokað tímabundið, sem sumir sögðu hápunkt ferðarinnar.

Þau voru þó sammála um að allstaðar hefðu þau upplifað mikla gestrisni, ekki síst í Lettlandi, þar sem þau fengu m.a. að kynnast vinnubrögðum úr sveitinni sem þætti sennilega frekar frumstæð hér á Íslandi. Í Færeyjum voru þau send í gönguferð yfir fjall sem innfæddum þótti ekki mikið tiltökumál svona til að skjótast á milli þorpa en leiðin var einir 16 kílómetrar og voru allir dauðfegnir að fá far til baka.

Verkefni eins og þetta ómetanleg reynsla

Þetta verkefni hefur verið mikill reynslubanki fyrir krakkana. Nefndu mörg að þau hefðu lært að ferðast og lært af mistökum á flugvöllum, en einn úr hópnum fór í fyrsta skipti til útlanda þegar farið var til Danmerkur 2015. Aðspurð um hvað væri svo eftirminnilegast nefndu næstum allir fyrst „zip-line" sem þau fóru í í Lettlandi. Kom sú upplifun mörgum í opna skjöldu en þau áttu ekki von á því að komast í slíka adrenalín skemmtun í Lettlandi þar þau upplifðu frá fyrstu hendi gríðarlegan menningarmun á ýmsum sviðum. Þar voru t.d. ekki vatnsklósett á öllum heimilum og einhverjir nemendur fengu það hlutverk að teyma kú á milli bæja.

Verkefnið er styrkt af Nordplus Junior sem er menntaáætlun norrænu ráðherranefndarinnar. Markmið menntaáætlunar er að stuðla að samstarfi og gæðum í menntun á Norðurlöndum og Eystrasaltslöndum. Verkefnið á að hjálpa nemendum að sjá að þeir geti sett markið hátt og haft trú á sér úti í hinum stóra heimi því að litlir skólar hafa marga möguleika

 

Þessi grein birtist upprunalega í 1. tbl. Járngerðar 2017

Nýlegar fréttir

fös. 23. jún. 2017    Bikarslagur á Grindavíkurvelli í kvöld
fös. 23. jún. 2017    Hafţór Júlíus sterkasti mađur á Íslandi enn eitt áriđ
fös. 23. jún. 2017    Ingibjörg Sigurđardóttir í lokahópnum fyrir EM
fös. 23. jún. 2017    Sumarreiđnámskeiđ hefjast á mánudaginn
fim. 22. jún. 2017    Jónsmessuganga Bláa Lónsins og Grindavíkurbćjar á laugardaginn
fim. 22. jún. 2017    Atvinna - Rćstingar á leikskólanum Laut
fim. 22. jún. 2017    Atvinna - Íbúđakjarni viđ Túngötu 15-17
fim. 22. jún. 2017    Matseđill nćstu viku í Víđihlíđ - síđasti matseđill fyrir sumarfrí
miđ. 21. jún. 2017    Tvö öflug liđ frá Grindavík í WOW Cyclothon
miđ. 21. jún. 2017    Íslandsmet í ísbađi á Sjóaranum síkáta
miđ. 21. jún. 2017    Vel heppnađ unglingahjólreiđamót á Sjóaranum síkáta
miđ. 21. jún. 2017    Enn bíđa stelpurnar eftir nćstu stigum í Pepsi-deildinni
ţri. 20. jún. 2017    Sköpun og gleđi í Grindavík - skráning stendur yfir
ţri. 20. jún. 2017    Lokađ fyrir heitavatniđ viđ Austurveg á morgun
ţri. 20. jún. 2017    Söguratleikur Sjóarans síkáta stendur fram ađ Jónsmessu
ţri. 20. jún. 2017    Grindavík tekur á móti Blikum í kvöld
ţri. 20. jún. 2017    Blóđbankabíllinn í Grindavík til kl. 17:00
ţri. 20. jún. 2017    Hrund Skúladóttir í Njarđvík
mán. 19. jún. 2017    30 nemendur útskrifađir af Króki
mán. 19. jún. 2017    Grindavík lagđi ÍBV örugglega
fös. 16. jún. 2017    Fimm leikmenn Grindavíkur í U15 ára landsliđi stúlkna
fös. 16. jún. 2017    Sköpun og gleđi í Grindavík 2017
fös. 16. jún. 2017    Grindavík - ÍBV á sunnudaginn
fös. 16. jún. 2017    Blóđbankabíllinn í Grindavík á ţriđjudaginn
fös. 16. jún. 2017    Íslandsmót unglinga í holukeppni á Húsatóftavelli um helgina
Grindavík.is fótur