Grindavíkurkonur kvöddu deildina međ sigri

  • Körfubolti
  • 22. mars 2017
Grindavíkurkonur kvöddu deildina međ sigri

Grindavíkurkonur luku þátttöku í Domino's deild kvenna í bili á jákvæðu nótunum þegar þær lögðu Stjörnuna í Garðabæ, 53-67. Ingunn Embla leiddi stigaskor Grindavíkur með 19 stig á 24 mínútum, þar af voru 5 þristar í 6 tilraunum.

Karfan.is gerði leiknum góð skil:

Stjörnukonur tóku í kvöld á móti Grindavík í lokaumferð Domino's deildar kvenna. Fyrir leikinn var ljóst að úrslit hans myndu ekki skipta nokkru um lokastöðu liðanna í deildinni, en Stjörnukonur voru öruggar með 4. og síðasta sætið í úrslitakeppninni á meðan Grindavíkurliðið var fallið. Það var hins vegar ekki að sjá á spilamennsku liðanna hvort liðið væri að fara í úrslitakeppni og hvort í 1. deild í kvöld því gestirnir úr Grindavík hreinlega pökkuðu Garðbæingum saman og unnu öruggan fjórtán stiga sigur, 53-67.

Lykillinn
Grindavíkurkonur voru einfaldlega miklu betri á öllum sviðum körfuboltans í dag. Mikill dofi var yfir heimakonum og virtist enginn leikmaður Stjörnunnar hafa áhuga á að spila leikinn. Því nenntu Grindvíkingar hins vegar og öruggur sigur þeirra því staðreynd.

Hetjan
Ingunn Kristínardóttir var besti leikmaður kvöldsins og virtist á tímabili vera sú eina sem hafði minnstan áhuga á að vera inni á vellinum. Ingunn sýndi þann áhuga sinn í verki því hún skoraði 19 stig á 24 mínútum, þar af 5 þrista úr sex tilraunum, en flestir þristar Ingunnar komu úr skotum nær miðju en þriggja stiga línunni. Flottur leikur hjá henni.

Framhaldið
Grindavíkurkonur kveðja Domino's deildina að sinni en liðið endar í neðsta sæti með 10 stig. Stjörnukonur geta hins vegar byrjað að undirbúa sig fyrir undanúrslitaeinvígi gegn deildarmeisturum Snæfells.

Tölfræði leiks
Myndasafn

Umfjöllun, viðtöl / Elías Karl
Myndir / Tomasz Kolodziejski

Deildu ţessari frétt

AĐRAR FRÉTTIR

Tónlistaskólafréttir / 23. maí 2018

Rafgítarkennari óskast í ca. 50% starf

Grunnskólafréttir / 18. maí 2018

Síđasti Stuđboltafundur ţennan veturinn

Íţróttafréttir / 22. maí 2018

Lokahóf yngri flokka á morgun, miđvikudag

Kosningar / 17. maí 2018

Ungmennakvöld hjá Rödd unga fólksins

Kosningar / 17. maí 2018

Fimmtudagsfjör XB í kvöld

Íţróttafréttir / 16. maí 2018

Stelpurnar bíđa enn eftir stigunum

Fréttir / 16. maí 2018

Atvinna - Grunnskóli Grindavíkur

Fréttir / 15. maí 2018

Góđar gjafir til Víđihlíđar

Knattspyrna / 15. maí 2018

Sito í Grindavík

Kosningar / 15. maí 2018

Opinn fundur G-listans á miđvikudaginn