1437. fundur Bæjarráðs Grindavíkur haldinn í bæjarstjórnarsal, þriðjudaginn 7. mars 2017 og hófst hann kl. 17:00.
Fundinn sátu:
Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Guðmundur L. Pálsson varamaður, Jón Þórisson sviðsstjóri fjármála- og stjórnsýslusviðs og Fannar Jónasson bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Í fjarveru formanns, Hjálmars Hallgrímssonar, stýrði Kristín María fundi.
Dagskrá:
1. 1701086 - Fjárhagsaðstoð 2017: Grunnur
Félagsmálanefnd leggur til hækkun á framfærslugrunni reglna Grindavíkurbæjar um fjárhagsaðstoð frá og með 1. mars 2017. Lagt er til að fjárhæðin hækki í 135.000 kr.
Bæjarráð samþykkir tillögu félagsmálanefndar og vísar tillögunni til samþykktar í bæjarstjórn.
2. 1703007 - Samstarf við Sveitarfélagið Voga: Listi yfir hugsanleg samstarfsverkefni
Minnisblað bæjarstjóra um möguleg samstarfsverkefni Grindavíkurbæjar og Sveitarfélagsins Voga lagt fram.
Bæjarráð felur bæjarstjóra að vinna málið áfram.
3. 1702089 - Eignarhaldsfélag Brunabótafélags Íslands: Aukafundur í fulltrúaráði
Aukafundur verður haldinn í fulltrúaráði Eignarhaldsfélagi Brunabótafélags Íslands þann 23. mars nk. kl. 13:00.
Fannar Jónasson, bæjarstjóri, mun mæta á fundinn fyrir hönd Grindavíkurbæjar.
4. 1505080 - Starfsmannastefna Grindavíkurbæjar: breytingatillaga vegna heilsustyrkja
Vinnuverndarnefnd leggur til breytingu á 9. tölulið í heilsueflingarkafla Starfsmannastefnu Grindavíkurbæjar. Lagt er til að 9. töluliður orðist svo: "Kaupa á íþróttabúnaði til eigin nota".
Bæjarráð samþykkir tillöguna, Guðmundur situr hjá.
Bæjarráð vísar tillögunni til bæjarstjórnar til afgreiðslu.
5. 1703012 - Styrkbeiðni: Stofnun jóga-seturs
Beiðni um styrk vegna opnunar Prana jógaseturs í Grindavík.
Bæjarráð getur ekki orðið við erindinu.
Fleira ekki gert. Fundi slitið kl. 17:45.