Keflvíkingar stálu stigum í Mustad-höllinni
Keflvíkingar stálu stigum í Mustad-höllinni

Grindavík náði ekki að loka nágrannaslagshelginni á sömu nótum og hún hófst, en Keflavík tók stigin í Mustad-höllinni í gær. Leikurinn var jafn framan af en Keflavík með Amin Stevens í broddi fylkingar var sterkari á lokasprettinum og kláraði leikinn, 85-92. Grindavík er því í 5. sæti Domino's deildar karla, aðeins 2 stigum á undan Keflavík.

Karfan.is fjallaði um leikinn:

Keflavík sótti rándýran sigur til Grindavíkur í kvöld er liðin mættust í 18 umferð Dominos deildar karla. Eftir hnífjafnan fyrri hálfleik sigu gestirnir framúr með Amin Stevens fremstan í flokki og unnu nágranna sína 92-85.

Gangur leiksins


Jafnt var nánast á öllum tölum í fyrri hálfleik og skiptust liðin hreinlega á forystunni og var hún mest sex stig. Sóknarleikur liðanna var í aðalhlutverki og staðan 48-46 fyrir Grindavík í hálfleik. Allt annað var uppi á teningnum í seinni hálfleik þar sem varnirnar hertust nokkuð og annað liðið seig framúr.

Keflavík náði 10 stiga forystu í þriðja leikhluta með góðum varnarleik og Amin Stevens hélt uppteknum hætti og virtist hreinlega geta skorað að vild. Grindavík náði með baráttu og áræðni að koma muninum minnst niður í þrjú stig á lokamínútunum en Keflavík átti alltaf nýtt spil á hendi. Gestirnir höfðu því á endanum sjö stiga sigur og eru eingöngu tveimur stigum frá heimavallarétt í úrslitakeppninni.

Tölfræðin lýgur ekki
Grindavík tók 42 þriggja stiga skot í leiknum og hittu eingöngu úr 11, mikið af skotunum voru þvinguð og alltof erfið. Þeir taka einnig mun fleiri sóknarfráköst og fá þar af leiðandi fleiri skot sem heimamenn nýttu ákaflega illa. Keflavík tapar einnig 16 boltnum gegn 10 hjá Grindavík.

Hetja leiksins
Hinn ótrúlegi Amin Stevens fór að kostum í kvöld. Hann endaði með 36 stig, 16 fráköst og var með 80% skotnýtingu í 19 tilraunum. Hann og Hörður Axel náðu frábærlega saman í kvöld og tóku mikið til sín sem opnaði fyrir aðra í sókninni. Það er einnig þarft að nefna hlut Daða Lár Jónssonar í sigri kvöldsins, hann spilaði nánast fullkomna vörn í dag. Framlag hans var ekki metið í tölfræði en hann gerði alla hluti erfiðari fyrir Grindavík í dag og þá sérstaklega bróðir síns Dags Kár.

Kjarninn
Það féllu stór orð fyrir áramót þegar Hörður Axel sagði að Keflavík yrði með heimaleikjarétt í úrslitakeppninni. Þá var liðið nær fallsæti en eru nú eingöngu tveimur stigum frá settu markmiði. Handbragð Friðriks Inga er farið að sjást greinilega en boltinn gekk frábærlega á milli manna í dag og liðsbragur yfir liðinu þrátt fyrir yfirburði Amin í leiknum. Liðið er þar með komið með forystu í innbyrgðisviðureignum félaganna sem gætu vel endað á svipuðum stað í deildinni. Keflavík hefur unnið tvo leiki í röð og gæti þessi úti sigur í Grindavík reynst dýrmætur fyrir stemmninguna í liðinu.

Grindavík aftur á móti sýndi furðulega frammistöðu í dag. Agaleysið skein af aðgerðum þeirra sem enduðu annað hvort með lélegum skotum en einföldum einangrunum á lyklinum. Menn ætluðu að göslast í gegnum vörn Keflavíkur í stað þess að láta boltann vinna fyrir sig. Flæðið í sóknarleiknum var sérlega lítið, lykilmenn hægðu á leiknum og tóku glórulaus skot. Það gengur hreinlega ekki í 40 mínútur gegn jafn góðu varnarliði og Keflavík er. Þeim var því eðlilega refsað fyrir og Keflavík hristi sigurinn. Mætingin í Grindavík var fín í dag og stemmningin góð, ljóst er að stutt er í úrslitakeppni en leikmenn verða að fara að fá sömu tilfinningu og taka meiri framförum inná vellinum sem lið.

Tölfræði leiksins

Nýlegar fréttir

fim. 18. jan. 2018    Ţorrablót á Króki á morgun
fim. 18. jan. 2018    Grindavík lagđi Keflavík - Dagur Ingi skorađi tvö
miđ. 17. jan. 2018    Kennarar úr Kópavogi í heimsókn
miđ. 17. jan. 2018    Handverk og hönnun - kynningarfundur í Kvikunni á morgun
miđ. 17. jan. 2018    Grćnfánanum flaggađ viđ Laut í fjórđa sinn
miđ. 17. jan. 2018    Pabba og afakaffi á Laut föstudaginn 19. janúar
miđ. 17. jan. 2018    Matseđill nćstu viku í Víđihlíđ
miđ. 17. jan. 2018    Fjölnisstúlkur fóru međ öll stigin úr Mustad-höllinni
miđ. 17. jan. 2018    Snyrtilegir fyrstu bekkingar
miđ. 17. jan. 2018    Óskilamunir
ţri. 16. jan. 2018    Ađalfundur GG laugardaginn 3. febrúar
ţri. 16. jan. 2018    Brennibolti í Hópinu nćstu tvo fimmtudaga
ţri. 16. jan. 2018    Flugukastnámskeiđ í Hópinu á sunnudögum
ţri. 16. jan. 2018    Björn Berg og Hákon Ívar áfram í Grindavík, Milos og Magnús Björgvins á förum
ţri. 16. jan. 2018    Grindavík gerđi jafntefli viđ FH í Fótbolta.net mótinu
ţri. 16. jan. 2018    Íbúafundur um Sjóarann síkáta í dag
mán. 15. jan. 2018    Grindavíkurstúlkur bikarmeistarar í 9. flokki
mán. 15. jan. 2018    Sigmundur Davíđ milliliđalaust á Bryggjunni á morgun
mán. 15. jan. 2018    Jón Axel stigahćstur í sigri Davidson
mán. 15. jan. 2018    Grindavíkurstúlkur bikarmeistarar í 10. flokki
fös. 12. jan. 2018    Opiđ sviđ á Bryggjunni föstudaginn 19. janúar
fös. 12. jan. 2018    Dósasöfnun meistaraflokks kvenna frestast aftur vegna veđurs
fös. 12. jan. 2018    Icelandic courses at MSS - Beginners and advanced
fim. 11. jan. 2018    Mest lesnu fréttir ársins 2017
fim. 11. jan. 2018    Grindavíkurstúlkur í bikarúrslitum um helgina
Grindavík.is fótur