Grindavík vann grannaslaginn í Ljónagryfjunni
Grindavík vann grannaslaginn í Ljónagryfjunni

Grindavík vann góðan sigur á nágrönnum okkar í Njarðvík í gærkvöldi, 79-87. Leikurinn var jafn og spennandi allan tímann en Grindavík tók gott áhlaup í lokin sem að Lewis Clinch leiddi og uppskar að launum dýrmætan sigur. Lewis tók tvær rosalegar troðslur á lokasprettinum og hélt Fannar Ólafsson ekki vatni yfir þeim í Körfuboltakvöldi á Stöð 2 sport.

Karfan.is fjallaði um leikinn.

Tvö af heitari liðum deildarinnar mættust í kvöld í Njarðvíkinni þegar Grindvíkingar komu í heimsókn. Fyrir leik voru Njarðvíkingar á fjögurra leikja sigur hrinu og Grindvíkingar höfðu tekið þrjá í röð í deildinni. Svo fór að gestirnir höfðu sigur 79:87 eftir spennu leik.

Þáttaskil:
Það er óhætt að segja að þáttaskil og vendipunktur leiksins hafi verið þegar Lewis Clinch reif sig á loft og tróð með látum "alley-oop" troðslu á loka kafla leiksins. Eftir þetta snögghitnaði maðurinn líkt og örbylgjuofn og ísaði hann svo leikinn með annari eins troðslu og möguleg tilþrif vetrarins komin í hús þetta árið. Lewis fór hægt um sig og var í raun ekkert að spila vel framan af leik en endaði leik með 20 stig.

Tölfræðin lýgur ekki:
Njarðvíkingar styðjast við sitt tveggja kana kerfi sem virðist hafa virkað vel fyrir þá fram að þessu. En í kvöld hafði mögulega verið hægt að splitta mínútum þannig að Atkinson hefði fengið örlítið fleiri því Myron Dempsey virtist ekki getað hitt boltanum í rútu þó hann stæði inní henni. Með Atkinson inná höfðu Njarðvíkingar komið sér í 7 stiga forystu sem hvarf líkt og dögg fyrir sólu þegar Dempsey kom inná. Ekki hans leikur þetta kvöldið. Atkinson +11 Dempsey -19 í framlagi þetta kvöldið.

Hetjurnar:

Lewis Clinch fyrrnefndur tekur þennan titil þó svo að Dagur Kár Jónsson hafi gert harða atlögu að honum einnig. Framan af og í raun allan leikinn var Dagur að spila fyrirmyndar vel og hefur verið að gera það fyrir Grindavík í allan vetur. En lokakafli Lewis var þungavigta og því er hann maður leiksins.

Kjarninn:
Njarðvíkingar þurfa að hefja leiki sína af meiri krafti þeir hafa oftar en ekki náð að koma sér nægilega fljótt í þann gír að spila körfuknattleik en svo tekið sína sigurleiki á lokakaflanum. Það gerðist hinsvegar ekki í kvöld og til að nefna eitthvað þá var varnarleikur þeirra í fyrsta leikhluta algerlega taugalaus enda fékk liðið á sig aðeins 2 villur í fyrsta leikhluta. Grindvíkingar eru í raun hálfgert jójó lið. Þeir spila glimmrandi vel en fara svo á svipstundu að kasta boltanum frá sér eða í skotval í sínum sóknarleik sem minnibolta þjálfarar myndu ekki sætta sig við. Ef þeir gulklæddu ná tökum á þessu og meiri stöðuleika þá eru þeir til alls líklegir.

Umfjöllun og viðtöl á Vísir.is

Tölfræði leiksins

Nýlegar fréttir

fim. 19. okt. 2017    Opiđ sviđ á Bryggjunni á föstudaginn
fim. 19. okt. 2017    DJ Heiđar Austmann á Fish House á laugardaginn
fim. 19. okt. 2017    Tónfundur í sal tónlistarskólans 23. október
miđ. 18. okt. 2017    Skráning félagsmanna UMFG - ert ţú félagi?
miđ. 18. okt. 2017    Vinadeild Grindavíkurkirkju fyrir börn í 2.-4. bekk
ţri. 17. okt. 2017    Dregiđ í Maltbikarnum, Suđurnesjaslagir framundan
ţri. 17. okt. 2017    Grindavík áfram í bikarnum
ţri. 17. okt. 2017    Haustmót JSÍ í Grindavík 21. október
ţri. 17. okt. 2017    Píanó, slagverk, ţverflautu- og söng kynning fyrir krakkana á Laut
mán. 16. okt. 2017    Kynning og kaffi í Kvikunni á afmćlisdegi Guđbergs Bergssonar
mán. 16. okt. 2017    Grindavíkurkonur einar á toppnum eftir sigur á ÍR
mán. 16. okt. 2017    Stjörnuhópur frá Laut heimsćkir tónlistarskólan
mán. 16. okt. 2017    Max's Restaurant auglýsir eftir ţjónum
mán. 16. okt. 2017    Andri Rúnar ađ öllum líkindum á förum frá Grindavík
mán. 16. okt. 2017    Óli Stefán Flóventsson áfram međ Grindavík
mán. 16. okt. 2017    Grindavík lagđi Hauka
fös. 13. okt. 2017    Fimmtánda svćđisţing tónlistarskóla á Suđurlandi og Suđurnesjum
fim. 12. okt. 2017    Kynning og kaffi í kvikunni á afmćlisdegi Guđbergs Bergssonar
fim. 12. okt. 2017    Ađalfundur Hestamannafélagsins Brimfaxa verđur 26. október
fim. 12. okt. 2017    Leikjaskrá körfuknattleiksdeildarinnar komin út
miđ. 11. okt. 2017    Reykjanesiđ frá A-Ö
miđ. 11. okt. 2017    Vilhjálmur Árnason rćđir Grindavíkurveg og stöđu mála
ţri. 10. okt. 2017    Lestrarátak á miđstigi
ţri. 10. okt. 2017    Alţingiskosningar laugardaginn 28. október 2017
ţri. 10. okt. 2017    Tveir meistarakokkar mćtast - Halla og Maggi Texas
Grindavík.is fótur