61. fundur Fræðslunefndar haldinn í bæjarstjórnarsal, mánudaginn 6. febrúar 2017 og hófst hann kl. 17:00.
Fundinn sátu:
Klara Halldórsdóttir formaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Sigurpáll Jóhannsson varamaður, Valdís Inga Kristinsdóttir áheyrnarfulltrúi, Petra Rós Ólafsdóttir áheyrnarfulltrúi, Fríða Egilsdóttir leikskólastjóri, Halldóra Kristín Magnúsdóttir grunnskólastjóri, Hulda Jóhannsdóttir leikskólastjóri, Sæborg Reynisdóttir áheyrnarfulltrúi og Nökkvi Már Jónsson sviðsstjóri.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. 1611027 - Sérkennsla í leikskólum: Ósk um aukið stöðuhlutfall
Lagt fram bréf frá sérkennurum grunnskóla á mið- og unglingastigi þar sem ítrekað er mikilvægi snemmtækrar íhlutunar fyrir börn með málþroskavanda til að fyrirbyggja lestrarvanda. Einnig lagðar fram umsagnir leikskólastjórnenda um bréfið. Fræðslunefnd þakkar ábendingu allra aðila um mikilvægi snemmtækrar íhlutunar og að allir aðilar telji samvinnu skólastiga af hinu góða og hvetur til að kennarar í leik- og grunnskóla tali og vinni saman að því að kortleggja stöðuna og möguleika á samvinnu. Skólaþjónustu falið að fylgja málinu eftir.
2. 1701065 - Gallup: Þjónustukönnun 2016
Niðurstöður úr þjónustukönnun Gallup um þjónustu Grindavíkurbæjar lögð fram. Könnunin var framkvæmd í nóvember og desember 2016.
3. 1610059 - Grindavíkurbær: Heilsueflandi samfélag
Verkefnið Heilsueflandi samfélag, sem er á vegum Embættis landlæknis, kynnt. Fræðslunefnd tekur undir bókun frístunda- og menningarnefndar og leggur til að samþykkt verði að Grindavíkurbær sæki um aðild og verði heilsueflandi samfélag. Jafnframt styður nefndin að forvarnarteymi Grindavíkurbæjar verði stýrihópur verkefnisins.
4. 1702016 - Niðurstöður Pisa: 2015
Niðurstöður sveitarfélagsins á PISA í lesskilningi, stærðfræði og náttúrufræði 2009, 2012 og 2015 lagðar fram.
5. 1508035 - Umbótaáætlun í kjölfar úttektar á Grunnskóla Grindavíkur. Eftirfylgni
Lagt fram bréf frá Mennta- og menningarmálaráðuneyti um að lokið sé við umbætur eftir úttekt á Grunnskóla Grindavíkur.
Lagt fram til kynningar.
6. 1701102 - Starfsumhverfi grunnskólakennara: Framkvæmd bókunar 1
Vegvísir samstarfsnefndar Sambands íslenskra sveitarfélaga og Félags grunnskólakennara vegna málefna grunnskólans kynntur ásamt bókun bæjarstjórnar frá 31.01.2017. Fræðslunefnd óskar eftir að vera upplýst um afrakstur vinnunnar.
Fleira ekki gert. Fundi slitið kl. 18:40.