Bikarvikan hafin - verslum miða í heimabyggð!

• Körfubolti
• 6. febrúar 2017

Enn eitt árið er Grindavík komið í Höllina. Framundan er bikarhelgi, sem hefst strax á fimmtudaginn með undanúrslitaleikjum og svo er stóri dagurinn á laugardaginn. Við Grindvíkingar ætlum okkur að sjálfsögðu alla leið og til þess að það takist þurfum við að styðja okkar menn til sigurs. Stjórnin ætlar sér að selja alla miða sem við höfum fengið í okkar hendur og fyrsta færið til að nálgast miða verður í íþróttahúsinu í kvöld, á milli 19:45 og 21:00.

Sölumennirnir eru ekki af verri endanum en það eru leikmenn meistaraflokks sem munu í kaupbæti bjóða uppá körfuboltaspjall og jafnvel heimspekilegar vangaveltur um lífið og tilveruna.

Við ítrekum að það er verulega mikilvægt fyrir okkur að selja alla miða sem fyrst því annars verðum við að skila miðum til baka. Það viljum við ekki, við viljum selja alla miða!

• Síðast uppfært: 6. febrúar 2017