Janko, opið svið og Þruman spennandi val

• Grunnskólinn
• 20. janúar 2017

Góð nýting og jafn barnafjöldi hefur verið í Skólaseli í vetur og styrkir það starfsemina. Börnin eru mjög ánægð og fá að velja sér viðfangsefni eftir áhugasviði. Vinsælt er hjá ákveðnum nemendum að fá að hjálpa Janko og Cober að þrífa skólastofurnar, fara á opið svið í salnum þar sem koma má með alls kyns atriði s.s. að syngja í míkrófón, sýna töfrabrögð og fleira í þeim dúr, margir velja útiveru og Selatangar standa alltaf fyrir sínu þar sem má föndra, perla og mála. Hinn frjálsi leikur er líka í boði og alltaf einhverjir sem velja það. Um tvo mánuði á önn hefur Þruman félagsmiðstöðin okkar boðið elstu börnunum í Skólaselinu að koma einu sinni í viku og hefur það alveg slegið í gegn! Þar er hægt að gera svo margt spennandi og nýtt!

Um 70 börn eru á skrá í Skólaseli um þessar mundir, þar af er helmingurinn í 1.bekk en svo er nokkuð jafn hluti úr 2. og 3. bekk. Sigurbjörg Guðmundsdóttir hefur haft umsjón með starfseminni á undanförnum árum með henni vinnur mikið til sama starfsfólkið ár eftir ár þannig góð festa er í starfseminni.  
Nánari upplýsingar um Skólaselið má sjá á eftirfarandi slóð:  http://www.grindavik.is/grunnskoli/skolasel

• Síðast uppfært: 20. janúar 2017