Ný og glæsileg verslun í Vélsmiðju Grindavíkur - opið á laugardögum

• Fréttir
• 16. desember 2016

Í janúar síðastliðinn fóru Vélsmiðja Grindavíkur og Skeljungur í samstarf sem hefur nú verið tekið skrefinu lengra því ný og glæsileg Skeljungsbúð opnaði á dögunum í endurbættu húsnæði Vélsmiðjunnar. Með breytingunum vonast Vélsmiðjumenn ásamt Skeljungi til að geta komið á móts við kröfur Grindvíkinga um fjölbreyttari þjónustu og aukinn opnunartíma.

Opnunartíminn í versluninni hefur nú þegar verið aukinn töluvert og er opið í hádeginu sem og á laugardögum. Þá hefur vöruúrvalið hefur verið aukið til muna og er hægt að fá í búðinni allt frá nærbuxum til múrbolta.

Þeir Ómar Davíð og Pétur, tveir af eigendum Vélsmiðjunnar, sögðu í samtali við heimasíðuna vonuðust þeir til að geta komið til móts við kröfur bæjarbúa en einnig ferðamanna sem sækja bæinn heim í mun stærri stíl en við höfum átt að venjast hingað til, og hvetja Grindvíkinga til að sækja verslun og þjónustu í heimabyggð.

• Síðast uppfært: 16. desember 2016