58. fundur Frístunda- og menningarnefndar haldinn í bæjarstjórnarsal, miðvikudaginn 7. desember 2016 kl. 17:00.
Fundinn sátu:
Þórunn Alda Gylfadóttir, Atli Geir Júlíusson, Sigurður Enoksson, Aníta Björk Sveinsdóttir, Ágústa Inga Sigurgeirsdóttir og Björg Erlingsdóttir, sviðsstjóri frístunda- og menningasviðs.
Dagskrá:
Almenn mál
1. 1610071 - Íþróttamaður og íþróttakona ársins: 2016
Póstur sendur til deilda/íþróttafélga fimmtudaginn 8. desember og svarfrestur er þriðjudagurinn 13. desember. Fundur valnefndar verður fimmtudaginn 15. desember kl. 20:00 í Gjánni. Í valnefnd sitja fulltrúar í stjórn UMFG og fulltrúar í frístunda- og menningarnefnd. Atli Geir flytur ávarp sem fulltrúi bæjarstjórnar.
2. 1604063 - Bókasafn: Stefnumótun og framtíðarsýn
Unnin verður stefnumótun- og framtíðarsýn fyrir Bókasafn á nýju ári og hefst vinnan í janúar. Óskað er eftir einum fulltrúa frá hverjum eftirtalinna aðila í vinnuhóp: Grunnskóli Grindavíkur, Ungmennaráð og frístunda- og menningarnefnd. Starfsmenn Bókasafns ásamt sviðsstjóra frístunda- og menningarsviðs taka þátt í vinnunni auk þess sem auglýst verður eftir áhugasömum fulltrúa almennings og nemenda sem stunda fjarnám og nýta sér þjónustu/aðstöðu Bókasafnsins. Þórunn Alda býður sig fram sem fulltrúa nefndarinnar.
3. 1610070 - Friðarganga: 2016
Friðargangan fer fram fimmtudaginn 15. desember. Undirbúningur er skemur á veg kominn en á sama tíma í fyrra en ekki er gert ráð fyrir að markverðar breytingar verði milli ára. Samráðshópur hittist 8. desember og skoðaðar verða tillögur sem komu fram á fundi fulltrúaráða nemenda í 1.-3. bekk 7.-10. bekk Grunnskólans.
4. 1511100 - Þrettándagleði: 2017
Í ár ber þrettándann upp á föstudag. Rætt um að breyta tímasetningu og fyrirkomulagi þrettándagleðinnar. Starfsmaður vinnur úr þeim hugmyndum sem fram komu á fundinum og sendir til nefndarmanna. Gert er ráð fyrir að gleðin hefjist kl. 19:30 og lýkur svo á flugeldasýningu kl. 20:30 við höfnina. Leitað verði til hestamannafélagsins með aðstoð við göngu að Kviku, álfakóng og drottningu. Verkefnið er samstarfsverkefni frístunda- og menningarnefndar og Björgunarsveitarinnar Þorbjarnar.
5. 1508096 - Minja- og sögufélag Grindavíkur: Samstarfssamningur 2015-2018
Þórunn Alda segir frá þeim verkefnum sem félagið hefur unnið og þýðingu stuðningsins frá Heklu við uppbyggingu Bakka.
Fundi slitið kl. 18:10