23. fundur skipulagsnefndar haldinn í bæjarstjórnarsal, mánudaginn 21. nóvember 2016 og hófst hann kl. 17:00.

Fundinn sátu:
Sigurður Guðjón Gíslason formaður, Þórir Sigfússon aðalmaður, Marta Sigurðardóttir aðalmaður, Erla Ósk Wissler Pétursdóttir aðalmaður, Ólafur Már Guðmundsson aðalmaður og Ármann Halldórsson sviðsstjóri skipulags- og umhverfissviðs.

Fundargerð ritaði: Ármann Halldórsson, sviðsstjóri skipulags- og umhverfissviðs.

Dagskrá:

1. 1501208 - Deiliskipulag miðbæjarkjarna Grindavíkur.
Málinu frestað. Sviðsstjóra falið að boða fund með skipulagsnefnd og bæjarstjórn um málið.

2. 1611005 - Norðurhóp 50-54: Fyrirspurn um breytingu
Erindi frá Arnari Inga Ingólfssyni. Í erindinu er óskað eftir breytingu á hæðarkódum á mælablaði fyrir Norðurhóp 50-54. Breytingin er innan marka deiliskipulags. Skipulagsnefnd samþykkir erindið.

3. 1609020 - Stapafellsnáma: Matsáætlun
Tekin fyrir tillaga að matsáætlun vegna efnistöku í Stapafelli unnin af Eflu verkfræðistofu dagsett í nóvember 2016 ásamt beiðni um umsögn. Skipulagsnefnd telur að afmarka verði raskað svæði með hnitsettum uppdrætti. Einnig telur nefndin að gera verði grein fyrir Árnastígnum um svæðið og hvaða áhrif náman hefur á gönguleiðina. Einnig verði skilgreint hvernig og hvar efni sem gætu haft áhrif á vatnsgæði eru geymd.

4. 1610009 - Stamphólsvegur 5: breyting á deiliskipulagi - minnkun byggingarreitar
Tekin fyrir breyting á deiliskipulagi Stamphólsvegar. Breytingin tekur til minnkunar á byggingarreit og nýtingarhlutfalli úr 0,8 í 0,59. Breytingin hefur ekki áhrif á nágranna. Um er að ræða breytingu á deiliskipulagi sem umsækjandi hafið áður fengið samþykkt hjá Grindavíkurbæ. Skipulagsnefnd frestar erindinu og felur sviðsstjóra að afla frekari gagna.

5. 1611038 - Hafnargata 26: umsókn um byggingarleyfi
Erindi frá Eldhamar ehf. kt. 4811062060. Í erindinu er óskað eftir breytingu á neðri hæð Hafnargötu 26 í gistiheimili. Erindinu fylgja teikningar unnar af Tækniþjónustu SÁ dagsettar 11.11.2016. Skipulagsnefnd leggur til við bæjarstjórn að samþykkja erindið.

6. 1611041 - Túngata 8: umsókn um byggingarleyfi
Erindi frá Stefaníu Huld. Í erindinu er óskað eftir byggingarleyfi vegna breytinga á bílskúr. Einnig er sótt um að breyta bílskúr í íbúðarhluta. Skipulagsnefnd samþykkir byggingaráformin. Byggingarleyfi er gefið út af byggingarfulltrúa þegar fullnægjandi hönnunargögn liggja fyrir.

7. 1611047 - Víkurbraut 25: breytt notkun á mh 202
Erindi frá Kjartani Sigurðssyni. Í erindinu er óskað eftir því að matshluti 202 á Víkurbraut 25 verði íbúð eins og áður var. Skipulagsnefnd frestar erindinu og felur sviðsstjóra að afla frekari gagna.

8. 1611050 - Umsókn um framkvæmdaleyfi: Reiðstígur við suðurstrandaveg
Erindi frá Brimfaxa kt. 530410-2260. Í erindinu er óskað eftir framkvæmdaleyfi fyrir reiðveg meðfram Suðurstrandavegi. Framkvæmdinni er lýst í aðalskipulagi Grindavíkur 2010-2020. Skipulagsnefnd leggur til við bæjarstjórn að framkvæmdaleyfi verði samþykkt með fyrirvara um leyfi landeigenda.

9. 1611002 - Aðalskipulag Garðabæjar: Beiðni um umsögn
Lagt fram. Skipulagsnefnd gerir ekki athugasemd.

Fleira ekki gert. Fundi slitið kl. 19:00.

• Síðast uppfært: 22. nóvember 2016