1424. fundur Bæjarráðs Grindavíkur haldinn í bæjarstjórnarsal, þriðjudaginn 8. nóvember 2016 og hófst hann kl. 17:00.
Fundinn sátu:
Hjálmar Hallgrímsson formaður, Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Róbert Ragnarsson bæjarstjóri og Jón Þórisson sviðsstjóri fjármála- og stjórnsýslusviðs.
Fundargerð ritaði: Róbert Ragnarsson, bæjarstjóri.
Dagskrá:
1. 1602035 - Búsetumál eldri borgara í Grindavík: uppbygging við Víðihlíð
Framhald frá síðasta fundi.
Útboðsgögn og teikningar lagðar fram, ásamt minnisblaði um leigu.
Formaður leggur til að sviðsstjóra skipulags- og umhverfissviðs verði falið að bjóða út byggingu 6 íbúða viðbyggingar við Víðihlíð, í samræmi við fyrirliggjandi útboðsgögn.
Samþykkt samhljóða.
2. 1611004 - Beiðni um samtarf: föngun og merking villikatta
Dýraverndunarfélagið VILLIKETTIR kt. 710314-1790, óskar eftir samstarfi við Grindavíkurbæ og viðurkenningu á aðferðafræði sinni sem kennd er við TNR (Trap-Neuter-Return) eða Fanga-Gelda-Skila.
Jafnframt lagt fram minnisblað Heilbrigðiseftirlits Suðurnesja um TNR aðferðafræðina.
Bæjarráð þakkar fyrir erindið en hafnar þátttöku í verkefninu að þessu sinni.
3. 1610010 - Fimleikadeild UMFG: Beiðni um styrk
Fimleikadeild UMFG óskar eftir styrk frá Grindavíkurbæ til þess að greiða æfingagjöld fyrir iðkendur fimleikadeildarinnar í húsnæði Fimleikaakademíu Keflavíkur.
Frístunda- og menningarefnd leggur til að erindinu verði hafnað.
Bæjarráð hafnar erindinu.
4. 1501010 - Íþróttamannvirki: Uppbygging tengibyggingar og íþróttasalar
Tillaga að samkomulagi við Verkís vegna frágangs niðurfalla í klefum lögð fram.
Bæjarráð felur bæjarstjóra að undirrita samkomulagið.
5. 1611007 - Þjónustumiðstöð: beiðni um viðauka
Byggingafulltrúi óskar eftir viðauka við fjárhagsáætlun ársins 2016 að fjárhæð 1.600 þúsund vegna mikils og óvænts viðhalds á bílum og tækjum Þjónustumiðstöðvar.
Bæjarráð leggur til við bæjarstjórn að viðaukinn verði samþykktur.
6. 1611010 - Bótin upplýsingarit: upplýsingasíða
Óskað er eftir því að Grindavíkurbær kaupi upplýsingasíðu í Bótinni-þjónustu- og upplýsingaskrá Grindavíkur.
Bæjarráð hafnar erindinu.
Fleira ekki gert. Fundi slitið kl. 18:00.