Í tæknimennt voru nemendur í 1. og 3. bekk að leggja lokahönd á tölu- og bókastafina sína og nemendur í 2. bekk voru stoltir af bátunum sínum. List- og verkgreinar eru kenndar í svokölluðum smiðjum á yngsta stigi.
Í vetur er öllum í 1.-3. bekk skipt upp í 5 hópa og skiptast hóparnir á að fara í tækni-, textíl-, mynd- og upplýsingamennt og síðast en ekki síst hér og nú smiðju sem byggir á núvitund, slökun og jóga. Smiðjur eru tvisvar í viku og er hvert tímabil í um 7 vikur. Smiðjuskipti verða í þessari viku.