Skólaskrifstofa Grindavíkurbæjar stendur fyrir fjölbreyttum námskeiðum fyrir foreldra í haust. Eftirfarandi námskeið hefjast á næstu dögum og vikum:
Klókir litlir krakkar - námskeið fyrir foreldra barna með kvíðaeinkenni
Námskeiðið Klókir litlir krakkar er meðferð fyrir börn á aldrinum 3-7 ára sem eru í áhættuhópi fyrir kvíðaröskun. Námskeiðið miðar að því að fræða foreldra um eðli kvíða og kenna þeim leiðir til að takast á við kvíðahegðun barna sinna og auka sjálfstraust þeirra. Vonast er til að með slíku námskeiði verði hægt að minnka kvíðahegðun barna og í sumum tilfellum koma í veg fyrir að börn þrói með sér kvíðaröskun.
PMTO námskeið fyrir foreldra 4-12 ára barna
PMTO námskeið er fyrir foreldra barna með væga hegðunarerfiðleika eða þegar áhætta er á hegðunarerfiðleikum. Foreldrar læra aðferðir til að draga úr hegðunarerfiðleikum barns og stuðla að góðri aðlögun
Uppeldi sem virkar - færni til framtíðar
Uppeldi sem virkar - færni til framtíðar, er foreldranámskeið fyrir foreldra 0-7 ára barna. Námskeiðið verður haldið a Heilsuleikskólanum Króki í alls fjögur skipti. Kennt verður á þriðjudögum kl. 17:00-19:00 dagana 25. október, 1., 8, og 15. nóvember.