Skólasetning var í skólanum í dag og var hún með þeim hætti að nemendur mættu í viðtal til umsjónarkennara með foreldrum/forráðamönnum sínum. Í vetur verða tæplega 500 nemendur við skólann þar af eru um 150 á yngsta stigi í Hópsskóla. Rétt tæplega 50 nemendur hefja göngu í 1. bekk. Margir nemendur voru eftirvæntingafullir á göngum skólans, sátu fyrir framan skólastofu sína og biðu eftir kalli kennarans síns. Börn sem hafa annað tungumál en íslensku sem móðurmál hafa mörg hver túlka í sínum viðtölum sem aðstoða kennarana við að koma upplýsingum til skila til foreldra barnanna.
Helena Rós Ellertsdóttir í 2. K heilsar Katrínu kennara.
Phakawin Phokhamphok situr hér ásamt móður sinni og tælenskum túlki.
Viktoría Helga Björgvinsdóttir var eftirvæntingarfull með mömmu sinni og tilbúin að takast á við komandi vetur.