Tíunda veturinn í röð mun Útsvar verða á dagskrá RÚV á föstudagskvöldum og þetta árið verður Grindavík á meðal keppnisliða á ný. Keppnin hefur göngu sína í september og því er ekki mikill tími til stefnu til þess að koma saman keppnisliði. Við auglýsum því eftir áhugasömum keppendum eða ábendingum um snillinga sem gætu tekið þátt fyrir hönd Grindavíkur. Siggeir F. Ævarsson, upplýsinga- og skjalafulltrúi og fyrrum keppandi, mun halda utan um liðið og hægt er að senda honum ábendingar eða lýsa yfir áhuga á netfangið: siggeir@grindavik.is