Í vikunni verður hafist handa við að skipta um gúmmíkurl og gervigras á sparkvellinum við Grunnskóla Grindavíkur við Ásabraut, verkið tekur 2-3 vikur. Verður völlurinn að sjálfsögðu lokaður á meðan framkvæmdunum stendur. Stórvirkar vinnuvélar verða á skólalóðinni og því eru allir beðnir að fara varalega sem eiga erindi á skólalóðinni á næstunni. Þegar framkvæmdum við Ásabraut lýkur verður í kjölfarið farið að skipta um kurl í vellinum við Hópsskóla og tekur það nokkra daga og völlurinn verður að sjálfsögðu lokaður á meðan.