1413. fundur Bæjarráðs Grindavíkur haldinn í bæjarstjórnarsal, þriðjudaginn 21. júní 2016 og hófst hann kl. 17:00.

Fundinn sátu:
Hjálmar Hallgrímsson formaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Róbert Ragnarsson bæjarstjóri, Jón Þórisson sviðsstjóri fjármála- og stjórnsýslusviðs og Dagbjartur Willardsson varamaður.

Fundargerð ritaði: Róbert Ragnarsson, bæjarstjóri.

Dagskrá:

1. 1601010 - Starfshópur um dagvistunarmál
Nökkvi Már Jónsson sviðsstjóri félagsþjónustu- og fræðslusviðs kom á fundinn og kynnti minnisblað starfshóps um stöðu dagvistunarmála og tillögur til úrbóta.

Miðað við þá íbúaþróun sem verið hefur undanfarna mánuði, og þann fjölda barna sem verður 18 mánaða í haust er líklegt að hægt verður að bjóða öllum börnum sem verða orðin 18 mánaða leikskólavist í haust. Að sama skapi stefnir í að hægt verði að bjóða öllum börnum sem verða orðin 18 mánaða haustið 2017 leikskólavist, en líklega verða nokkur börn orðin 24 mánaða á þeim tíma. Í ljósi þess er það mat starfshópsins að ekki sé þörf á að fjölga leikskólarýmum næsta skólaár. Hinsvegar leggur starfshópurinn til að niðurgreiðslur til dagforeldra verði auknar verulega til að freista þess að fjölga dagforeldrum í Grindavík.

Bæjarráð tekur undir tillögur starfshópsins og fellur því að sinni frá ákvörðun frá 8. mars síðastliðnum um að flytja beri færanlega skólastofu á leikskóla opna þar nýja deild. Jafnframt samþykkir bæjarráð að hækka niðurgreiðslur til dagforeldra verulega, miðað við 8 tíma vistun. Breytingin taki gildi 1. september næstkomandi.

Fyrir hjón úr 42.190 kr. í 55.000 kr. á mánuði.
Fyrir einstæða úr 46.410 kr. í 65.000 kr. á mánuði.

Sviðsstjóra falið að leggja fram viðauka við fjárhagsáætlun ársins 2016 á næsta fundi.

2. 1605081 - Beiðni um umsögn: umsókn Rutar Jónsdóttur um rekstrarleyfi vegna gististaðar í flokki I að Suðurvör 5
Bæjarráð gerir ekki athugsemdir við umsóknina.

Sviðsstjóra fjármála-og stjórnsýslusviðs falið að endurreikna fasteignagjöld af eigninni til samræmis við breytta nýtingu.

3. 1606054 - Fjárhagsáæltun 2016: Samþykktir viðaukar ársins
Jón Þórisson sviðsstjóri fjármála- og stjórnsýslusviðs kynnti fjárhagsáætlun ársins 2016 með samþykktum viðaukum.

4. 1501299 - Kvenfélag Grindavíkur: Ósk um styrk vegna leigu á sal
Kvenfélag Grindavíkur óskar eftir styrk á móti leigu á sal Iðunnar vegna páskabingós.

Samþykkt samhljóða.

5. 1602189 - Markaðsstofa Reykjaness: sókn í markaðsmálum
Á fundi 1403 fól bæjarráð bæjarstjóra að undirrita samstarfssamning um sókn í markaðsmálum á Reykjanesi fyrir hönd Grindavíkurbæjar, og leggja fyrir bæjarstjórn til staðfestingar. Markmið samningsins er að sveitarfélögin á Suðurnesjum, ásamt Samtökum atvinnurekenda og Markaðsstofu Reykjaness taki höndum saman um efla ímynd Reykjaness.

Samningurinn er lagður fram, en öll sveitarfélög á Suðurnesjum hafa undirritað samskonar samninga.

Bæjarráð staðfestir samninginn.

6. 1604033 - Vinabæjarheimsókn: Saltfiskhátíð í Ilhavo í Portugal
Bæjarstjóri gerði grein fyrir heimsókn bæjarstjóra Ilhavo ásamt föruneyti um Sjómannadagshelgina. Jafnframt er lögð fram verkefnistillaga Íslandsstofu um þátttöku Grindavíkurbæjar á Íslandsdegi á árlegri Saltfiskhátíð í Ilhavo 17.- 21. ágúst.

7. 1603032 - Fundargerðir: Heklan 2016
Fundargerð 50. fundar lögð fram til kynningar.

8. 1509126 - Fundargerðir: Þjónustuhópur aldraðra á Suðurnesjum - safnmál
Fundargerðir 102. og 103. fundar lagðar fram til kynningar.

9. 1606058 - Héraðsnefnd Suðurnesja: fundargerð og slit nefndar
Fundargerð 2. fundar slitastjórnar Héraðsnefndar Suðurnesja lögð fram, ásamt skýrslu um slit héraðsnefndarinnar.

Fleira ekki gert. Fundi slitið kl. 18:55.

• Síðast uppfært: 22. júní 2016