Óskar Kristinn Vignisson haslar sér völl í tónlistarmyndbandagerđ
Óskar Kristinn Vignisson haslar sér völl í tónlistarmyndbandagerđ

Út er komið lagið Synthamanía með samnefndri hljómsveit en enginn veit almennilega hverjir meðlimir sveitarinnar eru. Myndbandið við lagið hefur vakið nokkra athygli en leikstjóri þess er Grindvíkingurinn Óskar Kristinn Vignisson. Grindavík.net tók Vigni tali og ræddi við hann um verkefnið en Vignir hefur verið að sækja í sig veðrið í þessum bransa og er með nokkur járn í eldinum þessa dagana:

„Synthamanía er glæný súpergrúbba með þaulreyndum tónlistarmönnum úr allskonar hljómsveitum sem koma saman en mikil dulúð er yfir því hverjir það eru nákvæmlega sem skipa sveitina.

Sveitin hafði samband við Grindvíkinginn Óskar Kristinn Vignisson til að leikstýra myndbandi við nýjasta lag þeirra sem ber einfaldlega nafnið ,,Synthamanía". Aðspurður sagðist Óskar ekki einu sinni hafa vitað lungað af tímanum hverjir skipa hljómsveitna þar sem það var aðeins einn meðlimur sveitarinnar sem var í sambandi við hann. Hann telur þó að það sé líklegt að það komi gestir við sögu hjá þessu bandi og að enn um sinn eru þau ekkert að flagga sér heldur leyfa þau tónlistinni að spila fyrir sig sjálfa.

Þetta er fyrsta myndband Óskars sem sem stefnir að kvikmyndagerð sem hann segist sífellt vera að vinn að en framundan eru nokkur svipuð verkefni eftir aðra tónlistarmenn.

Óskar lærði í myndlistarskólanum í Reykjavík og svo myndlist í Listaháskólanum.
Planið var alltaf að fara í kvikmyndagerð en þar sem kvikmyndanám er takmarkað var hann hvattur til að sækja um í myndlist sem reyndist ótrúlega hollt og gott fyrir hann þar sem hann fékk sjálfstraust til þess að vinna sjálfstætt, öðlast gagnrýna hugsun og fagleg vinnubrögð.
Lokaverkefnið hans var stuttmynd sem hann tók upp í heimabænum Grindavík.
Áður en hann útskrifaðist frétti hann af mögulegu starfi við LHÍ og fór hann þá beint að tala við starfsfólkið í skólanum sem hvatti hann til þess að kanna þetta betur sem hann og gerði og fékk vinnu sem þjónustufulltrúi fyrir myndlistardeild Listaháskólans í maí 2014 strax eftir lokasýninguna sína.
Síðan þá hefur hann einnig verið að kenna við myndbandagerð m.a. fyrsta árs nemum í myndlist og einnig leiðbeinir hann lokaársnemum í vöruhönnun með þeirra myndbönd, auk allskyns verkefna sem hafa dúkkað upp á borðið hjá honum.

Ásamt því hefur hann verið að skrifa niður grófar útlínur af stuttmyndarhandritum sem hann stefnir á að taka upp fljótlega.

Eftir ýmisleg verkefni t.d. að taka upp verk eftir Harald Jónsson, sem var frumsýnt á Skjalborg, kvikmyndahátíðinni á Patreksfirði, hafa allskonar verktakatengd verkefni verið að aukast og því er hann að minnka við sig vinnu sem þjónustufulltrúi í Listaháskólanum frá og með 1. september til þess að einbeita sér að næstu verkefnum sem eru tónlistarmyndbönd fyrir hinar ýmsu hljómsveitir og tónlistarmenn ásamt því að vinna metnaðarfulla stuttmynd. Kvikmyndagerð á því hug hans allan og er alveg ljóst að við eigum eftir að sjá meira af Óskari í framtíðinni. Hægt er að fylgjast með verkum Óskars á heimasíðu hans oskark.com með því að smella HÉR, en hann hefur einnig haldið tvær ljósmyndasýningar í Ljósmyndasafni Reykjavíkur.

Óskar gerði einnig myndband við lagið Einsemd eftir Snorra Helga, í samstarfi við leikhópinn Kriðpleir sem við leyfum að fylgja með myndbandinu við Synthamanía en bæði myndbönd er hægt að sjá hér fyrir neðan:“

Nýlegar fréttir

ţri. 25. júl. 2017    Angela Rodriguez ţjálfar stelpurnar í vetur - sex leikmenn skrifuđu undir
ţri. 25. júl. 2017    Knattspyrnudeild UMFG auglýsir eftir yfirţjálfara
ţri. 25. júl. 2017    Fimleikadeild UMFG auglýsir eftir ţjálfurum
ţri. 25. júl. 2017    Grillveisla í Víđihlíđ
fös. 14. júl. 2017    Sumartími á Grindavik.is
fös. 14. júl. 2017    Klókir litlir krakkar - námskeiđ fyrir foreldra barna međ kvíđaeinkenni
fös. 14. júl. 2017    Ađsóknartölur á tjaldsvćđinu slá öll met
fim. 13. júl. 2017    Knattspyrnudeild UMFG og HS Orka framlengja samstarfssamning sinn
miđ. 12. júl. 2017    Útivist í Reykjanes Geopark - gengiđ um Eldvörp á morgun
miđ. 12. júl. 2017    Admir Kubat til Grindavíkur
ţri. 11. júl. 2017    Framkvćmdir viđ Hraunbraut nćstu vikur
mán. 10. júl. 2017    Grindavík mćtir ÍBV í 4-liđa úrslitum
mán. 10. júl. 2017    Leikhópurinn Lotta sýnir Ljóta andarungann á morgun
mán. 10. júl. 2017    Grindavík á toppinn í Pepsi-deildinni
fös. 7. júl. 2017    Leikjanámskeiđ 3 - skráning og dagskrá
fim. 6. júl. 2017    10. bekkingar styđja gott málefni
fim. 6. júl. 2017    Sumarlokun skrifstofu Verkalýđsfélags Grindavíkur
fim. 6. júl. 2017    Meiđslalistinn hjá Grindavík í lengra lagi
fim. 6. júl. 2017    Fréttir frá Costa Blanca mótinu á Spáni
miđ. 5. júl. 2017    Dagur, Jón Axel og Ólafur í 24 manna ćfingahóp landsliđsins
ţri. 4. júl. 2017    Ný Visit Grindavík vefsíđa í loftiđ
ţri. 4. júl. 2017    Reggie Óđins međ tvenna tónleika á Fish house
ţri. 4. júl. 2017    Umhverfisverđlaun Grindavíkurbćjar afhent annađ hvert ár
ţri. 4. júl. 2017    20 milljónir í viđhald á Grindavíkurvegi í sumar
ţri. 4. júl. 2017    Trato á Bryggjunni á föstudagskvöld
Grindavík.is fótur