Þessa dagana eru nokkir vaskir vinnuskólanemendur ásamt Hjalta Guðmundssyni, umsjónarmanni grænna og opinna svæða, að hreinsa undirlagið á körfuboltavellinum við Hópsskóla. Þetta er nokkuð umfangsmikið verkefni þar sem að rífa þarf upp plastklæðninguna á vellinum, smúla og sópa, og leggja hana svo niður aftur sem er nokkuð nákvæmnisverk.
Hreinsa þarf völlinn nokkuð reglulega þar sem að mikill sandur berst yfir völlinn í þau fáu skipti sem vindur blæs úr austanátt en Hjalti vinnur nú að fyrirbyggjandi aðgerðum til framtíðar með gróðursetningu trjárunna meðfram vellinum.