1412. fundur Bæjarráðs Grindavíkur haldinn í bæjarstjórnarsal, mánudaginn 13. júní 2016 og hófst hann kl. 17:00.
Fundinn sátu:
Hjálmar Hallgrímsson formaður, Kristín María Birgisdóttir varaformaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi og Róbert Ragnarsson bæjarstjóri.
Fundargerð ritaði: Róbert Ragnarsson, bæjarstjóri.
Í upphafi fundar óskaði formaður eftir heimild til að bæta máli á dagskrá með afbrigðum.
Forsetakosningar 2016: framkvæmd kosninga
Samþykkt samhljóða.
Dagskrá:
1. 1602035 - Búsetumál eldri borgara í Grindavík: uppbygging við Víðihlíð
Nökkvi Már Jónsson sviðsstjóri félagsþjónustu og fræðslusviðs kom á fundinn.
Drög að Reglum um úthlutun íbúða við Austurveg 5 hjá Grindavíkurbæ lagðar fram og ræddar, ásamt nýsamþykktum lögum um almennar íbúðir.
Markmið laganna er að bæta húsnæðisöryggi fjölskyldna og einstaklinga, sem eru undir tekju- og eignamörkum skv. 10. gr. laganna við upphaf leigu, með því að auka aðgengi að öruggu og viðeigandi leiguhúsnæði og stuðla að því að húsnæðiskostnaður sé í samræmi við greiðslugetu leigjenda eða að jafnaði ekki umfram fjórðung tekna. Í því skyni er ríki og sveitarfélögum heimilt að veita stofnframlög til byggingar og kaupa á almennum íbúðum til að stuðla að því að í boði verði leiguíbúðir á viðráðanlegu verði fyrir þá sem þurfa á því að halda, þ.m.t. fyrir námsmenn, ungt fólk, aldraða, fatlað fólk og fólk sem ekki er fært um að sjá sér fyrir húsnæði sökum félagslegra aðstæðna eða verulegs fjárhagsvanda.
Bæjarráð felur sviðsstjóra að boða til fundar í stýrihópi um uppbyggingu í Víðihlíð og kynna fyrir þeim breyttar forsendur með tilkomu nýrra laga.
2. 1501105 - Iðan: Úttekt á hljóðeinangrun
Tillaga að sáttaboði milli Grindavíkurbæjar og Tryggingamiðstöðvarinnar fyrir hönd Mannvits lagt fram.
Bæjarráð samþykkir sáttaboðið og felur bæjarstjóra að gera ráðstafanir svo framkvæmdir við breytingar á hljóðeinangrun geti farið fram sem fyrst.
3. 1606036 - Ósk um styrk: vegna leyfisgjalda skemmtunar á Sjóaranum síkáta
Körfuknattleiksdeild UMFG óskar eftir styrk að fjárhæð 19.820 kr. vegna leyfisgjalda á skemmtun deildarinnar á Sjóaranum síkáta.
Bæjarráð hafnar erindinu.
4. 1501150 - Reglur um sí- og endurmenntun starfsmanna Grindavíkurbæjar
Ábendingar Guðmundar Grétars Karlssonar fulltrúa í fræðslunefnd vegna Reglna um sí- og endurmenntun starfsmanna Grindavíkurbæjar lagðar fram, ásamt minnisblaði bæjarstjóra.
Bæjarstjóra falið að funda með skólastjóra og Guðmundi um málið.
5. 1604016 - Tjaldstæði: Ósk um samstarf og byggingu smáhýsa
Fjórhjólaferðir ehf. óska eftir samstarfi við Grindavíkurbæ um byggingu smáhýsa á tjaldstæði.
Bæjarstjóra falið að vinna málið áfram.
6. 1508131 - Viðræður við velferðarráðuneytið um yfirtöku Grindavíkurbæjar á rekstri hjúkrunarheimilisins í Víðihlíð og heimahjúkrunar
Minnisblað bæjarstjóra um stöðu og framgang viðræðna við velferðarráðuneytið um yfirtöku Grindavíkurbæjar á rekstri hjúkrunarheimilisins í Víðihlíð og heimahjúkrunar lagt fram.
Bæjarstjóra falið að óska eftir fundi með heilbrigðisráðherra til að ræða erindið.
7. 1604058 - Forsetakosningar 2016: framkvæmd kosninga
Með vísan til 33. gr. Samþykktar um stjórn og fundarsköp Grindavíkurbæjar samþykkir bæjarráð að fela bæjarstjóra að semja kjörskrá fyrir forsetakosningar þann 25. júní næstkomandi. Jafnframt er bæjarstjóra veitt fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna forsetakosninga 25. júní nk. í samræmi við 27. gr. laga um kosningar til Alþingis.
Fleira ekki gert. Fundi slitið kl. 18:40.