Vegna skipulagsbreytinga auglýsir Grunnskóli Grindavíkur eftir tveimur deildarstjórum til starfa. Um er að ræða verkefnastjórnun á mið- og yngsta stigi skólans.
Umsóknarfrestur framlengist til 6. júní en ráðið er í stöðurnar frá 1. ágúst.
Starfssvið deildarstjóra
Deildarstjóri er millistjórnandi með mannaforráð og ber ábyrgð á skólahaldi á skólastigi.
Fylgist með nýjungum á sviði kennslu og er leiðandi í faglegri umræðu.
Samskipti við nemendur og foreldra.
Umsjón með sérúrræðum nemenda í samráði við kennara og aðra stjórnendur.
Menntunar og hæfniskröfur deildarstjóra
Við leitum að einstaklingi með réttindi til kennslu í grunnskóla sem er metnaðarfullur, víðsýnn og góður í mannlegum samskiptum, hefur skipulagshæfileika, er sveigjanlegur og tilbúinn að leita nýrra leiða í skólastarfi.
Reynsla af stjórnun og stjórnunarstörfum er æskileg.
Framhaldsmenntun í stjórnun er æskileg.
Einnig er laus staða íþróttakennara við skólann. Umsóknarfrestur um stöðu íþróttakennara er til 10. júní, en ráðið er í stöðuna frá 1. ágúst.
• Skólinn er heildstæður, einsetinn grunnskóli, með tæplega 500 nemendur í tveimur starfsstöðvum. Í Grunnskóla Grindavíkur er starfað eftir Uppbyggingarstefnunni og lögð áhersla á að skapa námsumhverfi í samráði við foreldra þar sem allir eru virkir, að öllum líði vel og allir læri að bera virðingu fyrir sjálfum sér, öðrum og umhverfi sínu. Í framtíðarsýn skólans kemur fram að skólinn er lærdómssamfélag þar sem áhersla er á að allir nemendur hljóti góða menntun og fái hvatningu til náms í samræmi við þroska sinn og áhuga í öruggu og uppbyggilegu umhverfi. Nemendur, starfsfólk og foreldrar eru virkir þátttakendur í lærdómssamfélaginu.
Allur aðbúnaður og umhverfi skólans er til fyrirmyndar. Sjá nánar á heimasíðu skólans
Laun eru samkvæmt kjarasamningi Sambands íslenskra sveitarfélaga og Kennarasambands Íslands.
Umsóknir skulu berast Grunnskóla Grindavíkur Ásabraut 2, 240 Grindavík eða sendist á netfangið halldorakm@grindavik.is
Nánari upplýsingar veitir Halldóra K. Magnúsdóttir skólastjóri í síma 420-1150.