Björgunarsveitin  Ţorbjörn gegnir  lykilhlutverki á Sjóaranum síkáta
Björgunarsveitin Ţorbjörn gegnir lykilhlutverki á Sjóaranum síkáta

Björgunarsveitin Þorbjörn er ómissandi hluti af því netverki sem heldur utan um Sjóarann síkáta. Er allt klárt fyrir hátíðina í ár? Við spurðum Boga Adolfsson, formanns sveitarinnar, út í málið.

„Skipulagið hjá okkur er reyndar orðið mjög gott eftir reynslu síðustu ára. Ferlið rennur allt mjög vel og allir þekkja sitt hlutverk. Við þurfum reyndar aðeins að endurskipuleggja okkur útaf breyttu hátíðarsvæði. En það þarf svo sem að fara yfir eitt og annað en annars gengur þetta mjög vel. Við erum með um það bil 25-30 manns í vinnu á hátíðinni hverju sinni og það er í mörg horn að líta. Við sjáum um að girða hátíðarsvæðið af og um gæslu í hliðunum meðan á hátíðinni stendur. Þá leiðir sveitin litaskrúðgönguna sem er skemmtilegt skipulagsverkefni sem hefur gengið vel undanfarin ár. Við setjum upp stjórnstöð fyrir hátíðarsvæðið við Vísi þar sem við erum með yfirsýn yfir svæðið, gæslan hefur bækistöð, sinnum minni-háttar óhöppum og sinnum börnum sem verða viðskila við foreldra sína.

En við erum ekki ein í þessu, við fáum góða aðstoð frá öðrum sveitum, sem eru raunar margar farnar að sækja í það að heimsækja okkur þessa helgi. Í ár fáum við til dæmis heimsókn frá Garðinum og Eyrarbakka. Á föstudeginum koma svo Vogamenn líka og aðstoða okkur og við fáum líka aðstoð frá Selfossi við gæslu á tjaldsvæðinu. Það er líka nóg að gera á sjónum. Við sjáum um gæsla í skemmtisiglingunni, bæði um borð og í kringum bátana. Þá sjáum við um kappróðurinn, koddaslaginn og flekahlaupið að ógleymdri sjópulsunni."

Allt þetta fólk frá sveitinni er í sjálfboðavinnu, en þið hafið nýlega gert myndarlegan samning við Þorbjörn hf sem og endurnýjað samning ykkar við bæinn, ekki satt?

„Jú, við gerðum rekstrarsamninga, bæði við Vísi í fyrra og Þorbjörn núna, hafa breytt miklu fyrir reksturinn hjá okkur. Svo eigum við gott samstarf við bæinn líka og það er nýr samningur í burðarliðnum. Samstarfið við sjávarútvegsfyrirtækin er náttúrulega bakbein sveitarinnar. Hér í Grindavík var í fyrsta skipti á Íslandi skotið úr fluglínutækjum árið 1931 þegar Cap Fagnet strandaði. Þá var 38 manns bjargað og síðan þá hefur sveitin alls bjargað 232 mannslífum í 22 sjóslysum."

Svona að lokum. Nú fara menn að detta í mikinn skreytingagír. Þið Snædís eruð þekkt fyrir glæsilegar skreytingar sem hafa vakið athygli á landsvísu. Er eitthvað óvænt á prjónunum í ár?

„Við erum með ýmsar spennandi hugmyndir en erum á fullu í framkvæmdum heima sem setur smá strik í reikninginn. Við verðum aðeins að bíða og sjá, það er aldrei að vita hvað maður dregur fram úr erminni. Sjón verður vonandi sögu ríkari."

 

 

Nýlegar fréttir

mán. 27. mar. 2017    Ađalfundur UMFG 2017 í kvöld
mán. 27. mar. 2017    472. fundur Bćjarstjórnar Grindavíkur - dagskrá
mán. 27. mar. 2017    Bćjarmálafundur hjá Framsókn í kvöld
mán. 27. mar. 2017    Bćjarmálafundur G-listans í kvöld
mán. 27. mar. 2017    Bćjarmálafundur hjá Samfylkingunni í kvöld
mán. 27. mar. 2017    Bćjarmálafundur Sjálfstćđisfélags Grindavíkur í kvöld
sun. 26. mar. 2017    Lewis Clinch Jr leiddi Grindvíkinga í 4-liđa úrslit
sun. 26. mar. 2017    Hreinn úrslitaleikur í Mustad-höllinni í kvöld
sun. 26. mar. 2017    Seinni sýning árshátíđar međ yngstu börnunum
lau. 25. mar. 2017    Fyrri sýning árshátíđar međ yngstu börnunum
fös. 24. mar. 2017    Úrslitastund í Ţorlákshöfn í kvöld?
fös. 24. mar. 2017    Páskabingó Kvenfélags Grindavíkur
fös. 24. mar. 2017    Ađalsafnađarfundur Grindavíkursóknar á sunnudaginn
fös. 24. mar. 2017    Sumarstörf hjá Grindavíkurbć 2017 - sótt um rafrćnt
fös. 24. mar. 2017    Forkynning: skipulag miđbćjarsvćđis Grindavíkur
fös. 24. mar. 2017    Stíll 2017 - hönnunarkeppni félagsmiđstöđva
fös. 24. mar. 2017    Grímugerđ í myndmennt
fim. 23. mar. 2017    Mikil gróska í judo í Grindavík
fim. 23. mar. 2017    Víkurfréttir kynntu sér framkvćmdir viđ Bláa Lóniđ
fim. 23. mar. 2017    Síđustu sýningardagar í verslunarmiđstöđinni
fim. 23. mar. 2017    Grindavík tók forystuna í Suđurstrandareinvíginu
miđ. 22. mar. 2017    Skíđaferđ Ţrumunnar frestađ vegna veđurs
miđ. 22. mar. 2017    Úrslitakeppnin heldur áfram - grillađ í Gjánni
miđ. 22. mar. 2017    Grindavíkurkonur kvöddu deildina međ sigri
ţri. 21. mar. 2017    Sunddeild UMFG auglýsir eftir ţjálfara
Grindavík.is fótur