1410. fundur Bæjarráðs Grindavíkur haldinn í bæjarstjórnarsal, þriðjudaginn 24. maí 2016 og hófst hann kl. 17:00.

Fundinn sátu:
Hjálmar Hallgrímsson varaformaður, Kristín María Birgisdóttir formaður, Ásrún Helga Kristinsdóttir aðalmaður, Marta Sigurðardóttir áheyrnarfulltrúi, Róbert Ragnarsson bæjarstjóri og Jón Þórisson sviðsstjóri fjármála- og stjórnsýslusviðs.

Fundargerð ritaði: Róbert Ragnarsson, bæjarstjóri.

Dagskrá:

1. 1601010 - Biðlistar í leikskólum og nemendafjöldi í skólum.
Ingibjörg María Guðmundsdóttir kom á fundinn og gerði grein fyrir málinu.

Bæjarráð leggur til að í starfshópnum verði fimm aðilar, þ.e. fulltrúi grunnskóla, fulltrúi úr hvorum leikskóla, fulltrúi fræðslunefndar og fulltrúi valinn úr hópi foreldraráða leik- og grunnskóla.

2. 1510113 - Grunnskóli Grindavíkur: tillaga að breyttri stjórnun
Ingibjörg María Guðmundsdóttir sat fundinn undir umfjöllun málsins.

Fræðslunefnd hefur samþykkt tillögu skólastjóra Grunnskóla Grindavíkur um að nýta þær fjár- og stjórnunarheimildir sem fyrir eru skólaárið 2016-2017 til að ráða deildarstjóra í stað verkefnastjóra.

3. 1605018 - Grunnskóli Grindavíkur: ráðningar starfsmanna 2016-2017
Ingibjörg María Guðmundsdóttir sat fundinn undir umfjöllun málsins.

Fræðslunefnd hefur samþykkt beiðni skólastjóra Grunnskóla Grindavíkur um að fá að greiða TV einingar til leiðbeinenda með B.Ed próf vegna markaðsaðstæðna og viðurkenna þannig uppeldismenntun sem áður var ígildi kennsluéttinda. Jafnframt ítrekar nefndin fyrri bókanir um að ganga frá Sí- og endurmenntunaráætlun Grindavíkurbæjar.

Bæjarráð samþykkir tillögu fræðslunefndar, og vekur athygli á að Sí- og endurmenntunaráætlun Grindavíkurbæjar er staðfest og í framkvæmd.

4. 1604087 - Rekstraryfirlit janúar - mars 2016: Grindavíkurbær og stofnanir
Jón Þórisson sviðsstjóri fjármála- og stjórnsýslusviðs fór yfir rekstaryfirlit janúar til mars 2016.

5. 1605067 - Endurskoðun Grindavíkurbæjar og stofnana: Samningur við KPMG útrunninn
Jón Þórisson sviðsstjóri fjármála- og stjórnsýslusviðs kynnti að samningar við KPMG um endurskoðun er útrunninn.

6. 1512122 - Björgunarsveitin Þorbjörn: Nýr samstarfssamningur
Minnisblað sviðsstjóra frístunda- og menningarsviðs og tillaga að nýjum samstarfssamningi við Björgunarsveitina Þorbjörn lögð fram.

Bæjarráð samþykkir samninginn og felur bæjarstjóra að undirrita og leggja fyrir bæjarstjórn til staðfestingar. Jafnframt leggur bæjarráð til við bæjarstjórn að samþykktur verði viðauki við fjárhagsáætlun ársins 2016 að fjárhæð 440.000 kr. sem komi til lækkunar á handbæru fé.

7. 1601018 - Slysavarnardeildin Þórkatla: Samstarfssamningur
Minnisblað sviðsstjóra frístunda- og menningarsviðs og tillaga að nýjum samstarfssamningi við Slysavarnadeildina Þórkötlu lögð fram.

Afgreiðslu frestað.

8. 1601002 - Unglingadeildin Hafbjörg: Nýr samstarfssamningur
Minnisblað sviðsstjóra frístunda- og menningarsviðs og tillaga að nýjum samstarfssamningi við Unglingadeildina Hafbjörgu lögð fram.

Bæjarráð samþykkir samninginn og felur bæjarstjóra að undirrita og leggja fyrir bæjarstjórn til staðfestingar.

9. 1511110 - Knattspyrnudeild UMFG: beiðni um framlengingu samnings um verktöku við umsjón mannvirkja
Samningurinn var samþykktur á 462. fundi bæjarstjórnar 26. apríl 2016. Þar misfórst hinsvegar að gera viðauka við fjárhagsáætlun ársins 2016, samtals 3.240.000 kr.

Fulltrúar D og G-lista leggja til við bæjarstjórn að samþykktur verði viðauki við fjárhagsáætlun ársins 2016 að fjárhæð 3.240.000 kr. sem komi til lækkunar á handbæru fé. Fulltrúi B-lista situr hjá.

10. 1605063 - Íþróttamiðstöð: Sauna
Minnisblað sviðsstjóra frístunda- og menningarsviðs, sviðsstjóra skipulags- og umhverfissviðs, forstöðumanns íþróttamannvirkja og byggingafulltrúa um kaup á sauna við sundlaugina lagt fram.

Bæjarráð samþykkir tillöguna og leggur til við bæjarstjórn að samþykktur verði viðauki við fjárhagsáætlun ársins 2016 að fjárhæð 1.000.000. kr. sem komi til lækkunar á handbæru fé.

11. 1604006 - Fundargerðir: Reykjanesfólkvangur 2016
Fundargerð Reykjanesfólkvangs dags. 27. apríl 2016 lögð fram, ásamt tillögu um að starfsstöð Reykjanesfólkvangs verði í Grindavík og að formennska í stjórn fari til Grindavíkurbæjar út kjörtímabilið. Framvegis skiptist fulltrúar Grindavíkurbæjar og Hafnarfjarðarbæjar á að fara með formennsku.

Bæjarráð Grindavíkur er jákvætt fyrir þessum breytingum og óskar eftir afstöðu annarra sveitarfélaga sem aðilar eru að Reykjanesfólkvangi.

12. 1605027 - Beiðni um umsögn: umsókn Guðmundar Guðmundssonar um rekstrarleyfi vegna gististaðar í flokki I að Sólbakka, Grindavík
Bæjarráð gerir ekki athugasemd við umsóknina og felur sviðsstjóra fjármála- og stjórnsýslusviðs að breyta álagningu fasteignagjalda til samræmis við breytta notkun húsnæðisins.

13. 1604059 - Heimagisting: Beiðni um umsögn, Víkurbraut 34
Bæjarráð gerir ekki athugasemd við umsóknina og felur sviðsstjóra fjármála- og stjórnsýslusviðs að breyta álagningu fasteignagjalda til samræmis við breytta notkun húsnæðisins.

14. 1605065 - Hollvinafélag MR: Ósk um styrk
Bæjarráð hafnar erindinu.

Fleira ekki gert. Fundi slitið kl. 18:50.

• Síðast uppfært: 25. maí 2016