Hreyfivikan heldur áfram af fullum krafti. Hjólakraftur og Hjólreiðanefnd Grindavíkur standa fyrir skemmtilegum viðburði í dag, miðvikudaginn 25. maí kl. 18:30. Mæting í íþróttamiðstöðina. Hjólakraftur með Þorvald Daníelsson hjólreiðaleiðbeinanda, Sigurð Bergmann hjólreiðagarp og Bjarna Svavarsson formaður Hjólreiðanefndar Grindavíkur hvetja alla þá sem hafa áhuga á hjólreiðum til að koma og taka einn skemmtilegan hring með sér. Þrír möguleikar í boði:
1) Grunnhringur á fjallahjólum - Hópsnes-Hesthús-námur-Skógrækt-heim um Norðurljósaveg og inn á Ingi-bjargarstíg. Endað hjá kaffihúsinu Bryggjunni. Þessi leið er fyrir fjallahjól.
2) Farið út í virkjun - viðkoma í kirkjugarði - Bjarnahringur. Endað hjá kaffihúsinu Bryggjunni. Þessi leið er fyrir allar tegundir hjóla.
3) Festarfjall - Suðurstrandarvegur að Krýsuvíkurvegi - til baka. Endað hjá kaffihúsinu Bryggjunni. Þessi leið er fyrir allar tegundir hjóla.
Allir velkomnir að slást með í för í skemmtilegum félagsskap.