53. fundur Fræðslunefndar haldinn á skólaskrifstofu, mánudaginn 9. maí 2016 og hófst hann kl. 17:00.
Fundinn sátu:
Þórunn Svava Róbertsdóttir formaður, Klara Halldórsdóttir aðalmaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Valdís Inga Kristinsdóttir áheyrnarfulltrúi, Ægir Viktorsson áheyrnarfulltrúi, Kristín Pálsdóttir áheyrnarfulltrúi, Fríða Egilsdóttir leikskólastjóri, Halldóra Kristín Magnúsdóttir grunnskólastjóri og Hulda Jóhannsdóttir leikskólastjóri.
Fundargerð ritaði: Ingibjörg María Guðmundsdóttir, yfirsálfræðingur.
Dagskrá:
1. 1601010 - Biðlistar í leikskólum og nemendafjöldi í skólum.
Lagt fram minnisblað um skipan starfshóps til að vinna framtíðaráætlun um hvernig brugðist verði við auknum nemendafjölda í leik- og grunnskóla á næstu árum. Lagt er til að í hópnum verði sjö aðilar auk sérfræðings á umhverfis- og skipulagssviði. Með fylgir drög að erindisbréfi hópsins. Fræðslunefnd leggur til við bæjarráð að starfshópurinn verði stofnaður og að fulltrúar foreldra leikskóla- og grunnskólabarna eigi fulltrúa í hópnum og hópurinn verði þá níu manns. Fræðslunefnd tilnefnir Guðmund Grétar Karlsson sem aðalmann og Þórunni Svövu Róbertsdóttur til vara. Fræðslunefnd óskar eftir tilnefningu frá öllum aðilum fyrir 27. maí nk.
2. 1510113 - Grunnskóli Grindavíkur: tillaga að breyttri stjórnun
Róbert Ragnarsson bæjarstjóri mætir undir þessum lið og gerir grein fyrir úttekt sinni á stjórnun í Grunnskóla Grindavíkur. Hann gerir tillögu um að tímabundin staða verkefnastjóra verði varanleg viðbót við stjórnun skólans. Tillaga skólastjóra í kjölfar úttektar og tillögu Róberts er að nýta þær fjár- og stjórnunarheimildir sem fyrir eru skólaárið 2016-2017 til að ráða deildarstjóra í stað verkefnastjóra. Fræðslunefnd samþykkir tillögu grunnskólastjóra.
3. 1601010 - Biðlistar í leikskólum og nemendafjöldi í skólum.
Fram lögð greinargerð Halldóru K. Magnúsdóttur skólastjóra sem í eru tillögur í sjö liðum. Fræðslunefnd líst vel á framkomnar tillögur sem snúa að því að bæta starfsaðstöðu nemenda og starfsfólks. Nefndin bindur vonir við vinnu starfshóps um framtíðaráætlun skólahúsnæðis v/fjölgunar nemenda þar sem framkomnar tillögur eru hugsaðar til bráðabirgða.
4. 1605018 - Starfsmannamála 2016-2017
Lögð fram beiðni skólastjóra Grunnskóla Grindavíkur um að fá að greiða TV einingar til leiðbeinenda með BEd próf vegna markaðsaðstæðna og viðurkenna þannig uppeldismenntun sem áður var ígildi kennsluéttinda. Fræðslunefnd samþykkir TV einingar fyrir skólaárið 2016-2017 og jafnframt ítrekar nefndin fyrri bókanir um að ganga frá sí- og endurmenntunaráætlun Grindavíkurbæjar.
Fleira ekki gert. Fundi slitið kl.19:30.