Afar skemmtilegt Kaldalónskvöld var haldið í Flagghúsinu á sunnudagskvöldið, til heiðurs Sigvalda Kaldalóns. Gunnlaugur Jónsson, dóttursonur Sigvalda, flutti æviágrip afa síns, Kór Tónlistarskóla Grindavíkur tók lög eftir Sigvalda Kaldalóns, Unnur Guðmundsdóttir flutti einleik á píanó og Valdimar Hilmarsson baritónsöngvari söng einnig við glimrandi undirtektir.
Að sögn Erlings Einarssonar í Flagghúsinu var fullt hús á Kaldalónstónleikunum, flutningur listafólksins góður og frábær stemming. Nokkrir þurftu frá að hverfa þar sem fullt var út úr dyrum og er búið að biðja um aðra svona tónleika.