Tveir glćsilegir fulltrúar Grindavíkur í úrslitum Músíktilrauna

  • Menningarfréttir
  • 19. apríl 2016
Tveir glćsilegir fulltrúar Grindavíkur í úrslitum Músíktilrauna

Grindvíkingar áttu tvo flotta fulltrúa í úrslitum Músíktilrauna á dögunum. Í sigursveitinni Hormónum, er Urður Bergsdóttir bassaleikari og bakraddasöngkona og í hljómsveitinni sólóverkefni Helga Jónssonar er Guðjón Sveinsson einn af forsprökkum og bassaleikari. Þau Urður og Guðjón eru bæði af miklu listafólki komin en Urður er dóttir Bergs Ingólfssonar leikara og Guðjón sonur hjónanna Sólnýjar Pálsdóttur, söngkonu og ljósmyndara og Sveins Guðjónssonar, sem lék einmitt á bassa í þessari sömu keppni fyrir 30 árum.

Víkurfréttir fjölluðu um málið í dag:

Hefur verið í úrslitum Músíktilrauna síðustu þrjú ár
- Grindvíkingurinn Guðjón Sveinsson spilar á fjölda hljóðfæra og tekur upp tónlist

Guðjón Sveinsson er tvítugur Grindvíkingur sem veit fátt skemmtilegra en að grúska í músík. Síðustu þrjú ár hefur Guðjón verið í þremur hljómsveitum sem hafa leikið á úrslitakvöldi Músíktilrauna. Nú í ár hafnaði Guðjón ásamt hljómsveit Helga Jónssonar í öðru sæti keppninnar. Þar lék Guðjón á bassa og söng bakraddir en vanalega leikur hann á gítar. Hann er reyndar ansi fjölhæfur og dundar sér á flest þau hljóðfæri sem hann kemst í tæri við. Guðjón er eini Grindvíkingurinn í hljómsveitinni en vinkona hans úr Grindavík, Urður Bergsdóttir, spilaði á bassa og söng bakraddir í sigursveitinni á Músíktilraunum. Hún fluttist ung frá Grindavík en faðir hennar er leikarinn Bergur Ingólfsson.

„Ég kynnist strákunum í hljómsveitinni bara í gegnum Facebook hóp, sem heitir hljóðfæraleikarar óskast/á lausu," segir Guðjón og hlær við en hann hefur leikið með flestum þessum strákum í rúm tvö ár. Þeir eru núna að hugsa hvað taki við en bandið var stofnað skömmu fyrir keppni en það er nokkuð algengt í Músíktilraunum. „Við ákváðum að láta vaða og gerðum nokkur demó. Svo var bara lært heima í nokkra daga og svo mættum við og spiluðum lögin. Ætli æfingarnar hafi ekki verið fjórar. Tvær fyrir undanúrslit og tvær fyrir úrslitin," segir Guðjón. Hljómsveitin leikur poppskotið progg sem er Innblásið af 70´s proggrokki í rólegri kantinum, en Guðjón hlustar sjálfur talsvert á þannig tónlist.

Guðjón fékk sinn fyrsta gítar í fermingargjöf en áður hafði hann lært á píanó í Tónlistarskóla Grindavíkur. Þar er hann ennþá við nám og hyggst klára þaðan miðpróf í haust. Eins er hann í hljóðtækninámi í Stúdíó Sýrlandi. Hann hefur verið að fást talsvert við upptökur og hefur m.a. tekið upp eina plötu nú þegar. Honum finnst mikilvægt að byrja snemma að fikta við upptökur og slíkt „Nú vill maður hætta að vera fiktari og fara að læra þetta almennilega. Ég hef mestan áhuga á að taka upp tónlist, bæði mína eigin og fyrir aðra. Allt sem ég get komist með puttana í, það finnst mér skemmtilegt að prufa. Svo er bara spurning um í hverju maður festist." Guðjón segir stemninguna á úrslitakvöldi Músíktilrauna alltaf vera frábæra. „Bæði þá í salnum og meðal hópsins en maður kynnist mikið af fólki á þessum kvöldum. Þetta er mikil hvatning fyrir þessu ungu bönd," segir Grindvíkingurinn hæfileikaríki að lokum

Urður og Guðjón á úrslitakvöldinu

Deildu ţessari frétt

AĐRAR FRÉTTIR

Tónlistaskólafréttir / 23. maí 2018

Rafgítarkennari óskast í ca. 50% starf

Grunnskólafréttir / 18. maí 2018

Síđasti Stuđboltafundur ţennan veturinn

Íţróttafréttir / 22. maí 2018

Lokahóf yngri flokka á morgun, miđvikudag

Kosningar / 17. maí 2018

Ungmennakvöld hjá Rödd unga fólksins

Kosningar / 17. maí 2018

Fimmtudagsfjör XB í kvöld

Íţróttafréttir / 16. maí 2018

Stelpurnar bíđa enn eftir stigunum

Fréttir / 16. maí 2018

Atvinna - Grunnskóli Grindavíkur

Fréttir / 15. maí 2018

Góđar gjafir til Víđihlíđar

Knattspyrna / 15. maí 2018

Sito í Grindavík

Kosningar / 15. maí 2018

Opinn fundur G-listans á miđvikudaginn