Þessi föngulegi hópur stúlkna lauk á dögunum námskeiði hjá Rauða krossinum sem flestir þekkja sem barnfóstru námskeið, þó svo að það heiti í raun „Börn og umhverfi“. Námskeiðið er alls 12 klukkustundir. Á fyrri hluta þess er farið yfir þroska barna, hollt mataræði, leiki og aga. Í síðari hlutanum er svo farið yfir umönnun barna, slysavarnir og skyndihjálp. Leiðbeinendur á námskeiðinu að þessu sinni voru Sigga Gerða leikskólakennari og Kolla hjúkrunarfræðingur.
Á myndinni: Inga Rún, Gunnhildur, Ásta, Emma, Gyða, Kristjana, Rakel, Díana og Diljá.