1406. fundur Bæjarráðs Grindavíkur haldinn í bæjarstjórnarsal, þriðjudaginn 5. apríl 2016 og hófst hann kl. 17:00.

Fundinn sátu:
Kristín María Birgisdóttir formaður, Hjálmar Hallgrímsson varaformaður, Ásrún Helga Kristinsdóttir aðalmaður, Valgerður Jennýjardóttir varam. áheyrnarfulltrúa, Róbert Ragnarsson bæjarstjóri og Jón Þórisson sviðsstjóri fjármála- og stjórnsýslusviðs.

Fundargerð ritaði: Róbert Ragnarsson, bæjarstjóri.

Formaður býður Valgerði Jennýjardóttur velkomna á sinn fyrsta bæjarráðsfund.

Dagskrá:

1. 1511110 - Knattspyrnudeild UMFG: beiðni um framlengingu samnings um verktöku við umsjón mannvirkja
Þorsteinn Gunnarsson sviðsstjóri frístunda- og menningarsviðs sat fundinn undir afgreiðslu málsins.

Jónas Þórhallsson formaður Knattspyrnudeildar UMFG og Eiríkur Leifsson framkvæmdastjóri komu til fundarins til að gera grein fyrir sjónarmiðum knattspyrnudeildarinnar.

Bæjarstjóra og sviðsstjóra falið að vinna málið áfram.

2. 1510110 - Kvikan: breytt nýting eða sala
Bæjarstjórn hafnaði á fundi sínum 29. mars gagntilboði í fasteignina Hafnargötu 12a og vísaði málinu til vinnslu bæjarráðs, ásamt stjórn Kvikunnar.

Bæjarráð leggur til að haldinn verði sameiginlegur fundur bæjarráðs og stjórnar Kvikunnar, um næstu skref.

3. 1604004 - Samtök orkusveitarfélaga: ársreikningur ársins 2015
Ársreikningur Samtaka orkusveitarfélaga vegna ársins 2015 lagður fram.

4. 1603069 - Styrkbeiðni: vegna Landsfundar Upplýsingar á Suðurnesjum 29. og 30. september 2016
Bæjarráð samþykkir að styðja landsfund Upplýsingar um 75.000 kr.

5. 1603098 - Sölutilboð: lóðir við Víkurbraut og Sunnubraut
Bréf Jóns G. Briem hrl. fyrir umbjóðenda lagt fram, þar sem óskað er eftir því að Grindavíkurbær svari því hvort sveitarfélagið hafi áhuga á að eignast tilteknar lóðir við Víkurbraut og Sunnubraut.

Bæjarstjóra falið að afla frekari gagna.

6. 1602035 - Búsetumál eldri borgara í Grindavík: uppbygging við Víðihlíð
Fundargerðir funda 2 og 3 lagðar fram.

Fleira ekki gert. Fundi slitið kl. 19:25.

• Síðast uppfært: 6. apríl 2016