Bláa Lónið að fyllast á ný - opnar aftur á morgun

• Fréttir
• 21. janúar 2016

Framkvæmdum við endurbætur og stækkun á Bláa Lóninu er nú að ljúka en mikið verk hefur verið unnið undanfarnar tvær vikur. Í fyrrakvöld var jarðsjó hleypt á lónið á ný sem er nú óðum að fyllast. Framkvæmdir eru á áætlun og mun Bláa Lónið opna á ný á morgun, föstudaginn 22. janúar.

Magnea Guðmundsdóttur, upplýsingafulltrúi Bláa Lónsins, sagði í samtali við Víkurfréttir að framkvæmdir hafi gengið vel. Verkefnið sé tæknilega flókið en að það hafi gengið afskaplega vel.

„Það sem stendur upp úr er samvinna starfsfólks Bláa lónsins og verktaka sem saman hafa unnið verkfræðilegt afrek. Þá hefur veðrið einnig leikið við okkur þann tíma sem framkvæmdir hafa staðið yfir. Við munum opna samkvæmt áætlun á morgun, föstudaginn 22. janúar," sagði Magnea.

Mynd: Víkurfréttir/Oddgeir Karlsson

• Síðast uppfært: 21. janúar 2016