GRAL: Ljóð, sögur, frumsamin lög og slagsmál á menningarviku

• Fréttir
• 19. mars 2009

Grindvíska atvinnuleikhúsið (GRAL) verður með dagskrá í Kvennó nk. laugardagskvöld kl. 20 en þetta er hluti af Menningarviku Grindavíkur. Þar sem ekki tókst að vekja upp drauginn sem átti að koma í draugaganginn  munu GRALverjar þess í stað lesa upp úr splúnkunýju leikriti, Horn á höfði, sem frumsýnt verður í haust. Að sögn Bergs Ingólfssonar hjá GRAL verða einnig flutt nokkur frumsamin lög, sem ekki hafa heyrst opinberlega áður. Ljóð og sögur verða lesnar og líklega verða slagsmál á sviðinu eins og oft þegar þessi góði hópur kemur saman.

Bergur sendi myndina sem birtist með þessari frétt en á henni má sjá GRALverja reyna að ganga á eftir geithafrinum.

• Síðast uppfært: 19. mars 2009