Nýjasti leikmaður Grindvíkinga í körfunni, Chuck Garcia, virðist hafa mætt til Íslands klár til að spila körfubolta, en ekki klár í íslenskan vetur! Samkvæmt norsku veðurstofunni eru núna um 15 gráður og logn á heimaslóðum Chuck í Los Angeles meðan að hér eru -5 gráður og kafaldsbylur sem hylur hæð og lægð. Chuck var ekki alveg græjaður fyrir þennan kulda og leðurjakkinn dugði skammt. Sigurbjörn Daði Dagbjartsson, stjórnarmaður hjá körfuknattleiksdeildinni brá þá á það ráð að auglýsa eftir úlpu fyrir kappann í stærðinni XXL í gær og skemmst er frá því að segja að Chuck er nú þegar kominn með úlpu.
Sigurbjörn birti meðfylgjandi mynd á Facebook áðan með orðunum: „Málinu reddað! Chucksterinn mættur í Cintamani. Kallið mig bara: Sibbi Plug“
Það er gott að eiga góða að í körfunni!