Nemenda- og Þrumuráð Grunnskóla Grindavíkur vígði nýja krapvél á jólaballinu fyrir skömmu. Þetta var á óskalista nemenda- og Þrumuráðsins og hljóp Kvenfélag Grindavíkur undir bagga með ráðinu og fjármagnaði kaupin ásamt framlagi frá Grindavíkurbæ. Mæltist vélin ákaflega vel fyrir á ballinu og myndaðist löng biðröð. Á myndinni er nemenda- og Þrumuráðið með krapvélina góðu sem mun nýtast vel á viðburðum vetrarins.