Reynum ađ koma til móts viđ alla
Reynum ađ koma til móts viđ alla

Í apríl síðastliðinn flutti ég til Grindavíkur með fimm börn og mann til að taka við starfi forstöðumanns bókasafnsins. Í upp-hafi vorum við ekki viss um hvort við ættum að flytja, eða hvort ég myndi keyra á milli, en eftir að hafa komið og skoðað bókasafnið, keyrt um bæinn og fengið upplýsingar um allt það góða íþróttastarf sem er í boði fyrir börn og unglinga hér, sammæltumst við fjölskyldan um að gefa þessu tækifæri, það væri jú alltaf hægt að flytja til baka í borgina ef þetta gengi ekki upp.

Núna, átta mánuðum seinna, má segja að meðgöngunni sé lokið. Við erum öll afskaplega ánægð hér og höfum fengið virkilega góðar viðtökur, bæði í leik og starfi. Einnig er ég afar heppin með samstarfsfólk og yfirmenn og get ég með sanni sagt að Grindavíkurbær og ekki síst bókasafnið, sé skemmtilegasti vinnustaður sem ég hef unnið á. 

Á safninu vinnum við í náinni samvinnu við kennara og nemendur grunnskólans og reynum að koma til móts við þarfir þeirra ólíku hópa sem leynast innan skólans. Það eiga allir að finna eitthvað við sitt hæfi hér, sama hvort þú vilt lesa ævisögur, spennusögur, ævintýri, fantasíur, útópíur eða dystópíur (sem er eftirlætis bókmenntastefna undirritaðrar) og við reynum að koma til móts við fólk með sérþarfir með að kaupa hljóðbækur, bækur með stóru letri og léttlestrarbækur.

Einnig bjóðum við nemendum upp á aðstöðu til að læra og sinna hópverkefnum, aðstoðum við val á lesefni og heimildum, höldum kynn-ingar á nýjum bókum og stöndum fyrir því að höfundar komi og lesi upp úr verkum sínum.
Í vetur hefur safnið verið opið frá kl. 8 fyrir nemendur, kl. 10 fyrir almenning til kl. 18 og frá 10-14 á laugardögum í vetur. Um áramót verður laugardagsopnunin felld niður vegna afar dræmrar aðsóknar. 

Almenningshluti safnsins er auðvitað líka fyrir alla, sama hvaða smekk og þarfir fólk hefur og höfum við reynt að koma til móts við notendur safnsins, meðal annars með því að taka við uppástungum um bækur til innkaupa, fá lán-aðar bækur á pólsku og tagalog hjá öðrum söfnum, kaupa inn enskar kiljur og eins reynum við að vera með puttann á púlsinum í innkaupum á nýjum bókum. 

Það síðastnefnda hefur meðal annars skilað sér í því, að ekki komu allar „jólabækurnar" í einu flóði, heldur vorum við farin að fá þær í hús um miðjan nóvember, sem skilaði sér vonandi í styttri biðtíma eftir nýjum bókum. 

Við bjóðum háskólanemum einnig upp á aðgang að lesverunum okkar, Guðbergsstofu og Sigrúnarstofu, og hafa þær verið vel nýttar, sérstaklega í enda annarinnar þegar allir eru á kafi í verkefnavinnu og prófum.

Safnið reynir að taka virkan þátt í menningarlífi bæjarins og mun verða með sýningu á verkum tveggja listamanna í næstu Menningarviku. Þeir kenna sig báðir við listformið „popplist" og verður sennilegast haldið námskeið í teiknimyndagerð í tengslum við Menningarvikuna, en það á eftir að staðfesta endanlega hjá námskeiðshaldara og verður auglýst á heimasíðu og facebook síðu safnsins. 

Bókasafnið er líka í samstarfi við hin bókasöfnin á Suðurnesjum um kynningu á bókmenntaarfinum og í tilefni þess að 100 ár eru liðin frá því að konur fengu kosningarétt, hefur verið einblínt á kvenkyns rithöfunda í þessu verkefni. 
Í október var Auður Ava Ólafsdóttir með kynningu í Vogunum, Margrét Tryggvadóttir bókmenntafræðingur hélt fyrirlestur um barna-bókmenntir á bókasafninu í Garði og Ragnhildur Thorlacius fréttamaður fjallaði svo um bók sína um Brynhildi Georgíu Björnsson á bókasafninu í Sandgerði. Það verður svo auglýst með vorinu hver kemur til okkar sem hluti af þessu verkefni. 

Andrea Ævarsdóttir
forstöðumaður Bókasafns Grindavíkur

 

Betra en vera heima

Við fengum tvo nemendur úr skólanum til að svara örfáum spurningum um safnið. Þær Ólafía Elínborg Stefánsdóttir og Amelia Rún Vilhelmsdóttir eru nemendur í 9. bekk sem nota safnið talsvert mikið.
Af hverju komið þið á bókasafnið?
Ó: Það er kósí og rólegt.
A: Það er ekki mikill hávaði.
Eru þið duglegar að nota safnið til að læra?
A: Já, það er betra en að vera heima.
Ó: Já, það er betra en að vera í stofunni því það er oft hávaði í hinum krökkunum.
Er eitthvað við safnið sem þið mynduð vilja breyta?
Ó: Rauða litnum! Hillurnar og veggurinn ættu að vera karrígul!
A: Stólarnir eru harðir, gott að fá mýkri stóla.
Ó: Fleiri grjónapúðar væru líka góðir.
A: Fleiri lesstofur hefðu líka verið góð hugmynd.
Hvernig bækur finnst ykkur skemmtilegast að lesa?
Ó: Spennubækur og fróðleiksbækur eins og 30 undur veraldar.
A: Urban fantasies sem eru um varúlfa og vampírur.

 

Greinin birtist fyrst í Járngerði, fréttabréfi Grindavíkurbæjar.

Nýlegar fréttir

mán. 11. des. 2017    Ingibjörg Sigurđardóttir til Djurgĺrden
mán. 11. des. 2017    Ţakkir til Grindvíkinga frá ađstandendum Guđmundar Atla
sun. 10. des. 2017    Ađventustund í kirkjunni klukkan 18:00
fös. 8. des. 2017    Stendur ţú fyrir viđburđi í desember? Láttu okkur vita!
fös. 8. des. 2017    Ćskulýđsbikar Landsambands Hestamanna til Brimfaxa
fös. 8. des. 2017    Grindavík aftur á sigurbraut međ sigurkörfu á lokasekúndunni
fös. 8. des. 2017    Líf og fjör á Fjörugum föstudegi
fös. 8. des. 2017    Nemendur tónlistarskólans halda hátíđlega jólatónleika 9. desember
fim. 7. des. 2017    Hver er Grindvíkingur ársins 2017? Tilnefningar óskast
fim. 7. des. 2017    Jón Axel stigahćstur - fékk hrós frá Steph Curry
fim. 7. des. 2017    Grindavíkurnáttföt - fullkomin í jólapakkann!
fim. 7. des. 2017    Ađventu- og fjölskyldustund í kirkjunni á sunnudaginn
fim. 7. des. 2017    Elena og María Sól áfram í Grindavík
miđ. 6. des. 2017    6. A sigurvegari í spurningakeppni miđstigs
miđ. 6. des. 2017    Eldvarnarátak í bođi LSS og Lions
miđ. 6. des. 2017    10. A sigurvegari í spurningakeppni unglingastigs
miđ. 6. des. 2017    Rafbókasafniđ er komiđ!
ţri. 5. des. 2017    Breyttur afgreiđslutími í jólafríi grunnskólans
ţri. 5. des. 2017    Nemendur tónlistarskólans komu fram viđ tendrun jólatrés
mán. 4. des. 2017    Slysavarnakonur gefa endurskinsmerki
mán. 4. des. 2017    Stjörnuhópar leikskólanna heimsćkja fyrsta bekk
mán. 4. des. 2017    Matseđill nćstu viku í Víđihlíđ
mán. 4. des. 2017    Ţriđja tapiđ í röđ stađreynd hjá strákunum
mán. 4. des. 2017    Jólagjöf starfsmanna Grindavíkurbćjar er tilbúin
fös. 1. des. 2017    Fyrsti fundur umhverfisnefndar Grunnskólans
Grindavík.is fótur