Karfan: Úrslitakeppnin hefst í dag

• Fréttir
• 14. mars 2009

Úrslitakeppni úrvalsdeildar karla í körfubolta hefst í dag, laugardag. Grindavík mætir ÍR í átta liða úrslitum en liðin áttust einmitt við í lokaumferð úrvalsdeildarinnar þar sem Grindavík vann með 9 stiga mun. Liðin mætast í íþróttahúsi Grindavíkur á morgun kl. 16.00. Annar leikur er á mánudaginn kl. 19.15 í Seljaskóla og oddaleikur, ef með þarf, fimmtudaginn 19. mars kl. 19.15.

Grindavík komst fyrst í úrslitakeppni vorið 1990, þeir komust ekki 1991 en frá 1992 hafa þeir alltaf verið í úrslitakeppni og urðu Íslandsmeistarar 1996. ÍR ingar hins vegar komust fyrst í úrslitakeppni 1995 og er þetta níunda úrslitakeppni þeirra og þrisvar hafa þeir komst í undanúrslit en aldrei úrslit. Samt sem áður er ÍR það lið sem oftast hefur orðið Íslandsmeistari eða 15 sinnum, síðast 1977. Grindavík og ÍR hafa aldrei áður mæst í úrslitakeppni en hafa mæst 38 sinnum í Úrvalsdeild, fyrst 12. desember 1987 þar sem ÍR sigraði 62-50. Stigahæstur ÍR var Karl Guðlaugsson með 21 stig en Rúnar Árnason skoraði mest Grindavíkinga eða 12 stig. Af þessum 38 leikjum hefur Grindavík unnið 27 og ÍR 11, ÍR vann 4 af fyrstu 5 leikjum liðanna. Stærsti sigurinn var 10. desember 2004 í Grindavík þegar ÍR vann með 37 stigum, 103-66, að því er segir á karfan.is.

UMFG-ÍR
14. mars UMFG-ÍR kl. 16.00
16. mars ÍR-UMFG kl. 19.15
19. mars UMFG-ÍR kl. 19.15 ? ODDALEIKUR

• Síðast uppfært: 14. mars 2009