Listakonurnar Íris Rós Söring og Fríða Rögnvaldsdóttir héldu frábæra keramik- og myndlistarsýningu í Kvikunni, á efri hæðinni um helgina. Fjöldi fólks lagði leið sína á sýninguna á föstudaginn í tengslum við Fjörugan föstudag og þá litu margir við um helgina. Íris Rós sýndi keramik skúlptúra og Fríða Rögnvaldsdóttir sýndi myndlist með steypu á striga ásamt olíuverkum og fengu þær mikið lof fyrir listsköpun sína.
Var mikill fengur að fá þessar flottu listakonur og gaman að fá listasýningu að nýju á efri hæðina í Kvikunni.