45. fundur Fræðslunefndar haldinn í bæjarstjórnarsal, mánudaginn 9. nóvember 2015 og hófst hann kl. 17:00.

Fundinn sátu:
Þórunn Svava Róbertsdóttir formaður, Klara Halldórsdóttir aðalmaður, Ámundínus Örn Öfjörð aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Valdís Inga Kristinsdóttir áheyrnarfulltrúi, Herdís Gunnlaugsdóttir Holm áheyrnarfulltrúi, Halldóra Kristín Magnúsdóttir grunnskólastjóri, Inga Þórðardóttir skólastjóri og Ingibjörg María Guðmundsdóttir.

Fundargerð ritaði: Ingibjörg María Guðmundsdóttir, yfirsálfræðingur.

Dagskrá:

1. 1510112 - Sérkennsla og úrræði innan skólans
Guðbjörg M. Sveinsdóttir gerði grein fyrir þeim þjónustuúrræðum sem eru í boði innan skólans.

2. 1505069 - Skólapúlsinn 2014-2015: Viðbrögð við viðhorfskönnun foreldra
Halldóra K. Magnúsdóttir skólastjóri fór yfir verkþætti í umbótaáætlun skólans í kjölfar fundar með foreldrum s.l. sumar. Fræðslunefnd telur rétt að fram komi í umbótaáætlun það sem nú þegar er komið í verk og bent var á þætti í skýrslu KPMG sem vantar í umbótaáætlunina. Umbótaáætlun verður lögð fram á ný á næsta fundi fræðslunefndar eftir viku.

3. 1503115 - Samstarf í menntamálum á Suðurnesjum
Kynnt bréf frá Sambandi sveitarfélaga á Suðurnesjum um kynningarfund sem haldinn verður n.k. miðvikudag um úrbætur í menntamálum og sóknaráætlun Suðurnesja 2015-2019.

4. 1510115 - Innra mat og mat á starfsáætlun
Lögð fram og rædd áætlun um innra mat grunnskólans til ársins 2020. Formlegri sjálfsmatsskýrslu var síðast skilað eftir skólaárið 2012-2013 en síðan hefur vinna við innra mat falist í endurskoðun skólanámskrá skólans. Fræðslunefnd samþykkir að sjálfsmatsskýrsla verði framvegis lögð fram á fundi nefndarinnar í ágúst/september ár hvert.

5. 1510114 - Skólasamningur, kennslustundir og skipulag innra starfs.
Halldóra K. Magnúsdóttir skólastjóri gerði grein fyrir skiptingu kennslustunda milli stiga haustið 2015 eins og hún er skipulögð í dag.

6. 1508035 - Umbótaáætlun í kjölfar úttektar á Grunnskóla Grindavíkur. Eftirfylgni
Afgreiðslu frestað.

Fleira ekki gert. Fundi slitið kl. 19:30.

• Síðast uppfært: 22. nóvember 2015