43. fundur Fræðslunefndar haldinn í bæjarstjórnarsal, mánudaginn 28. september 2015 og hófst hann kl. 17:00.
Fundinn sátu:
Þórunn Svava Róbertsdóttir formaður, Klara Halldórsdóttir aðalmaður, Ómar Örn Sævarsson aðalmaður, Guðmundur Grétar Karlsson aðalmaður, Valdís Inga Kristinsdóttir áheyrnarfulltrúi, Herdís Gunnlaugsdóttir Holm áheyrnarfulltrúi, Inga Þórðardóttir skólastjóri, Halldóra Kristín Magnúsdóttir grunnskólastjóri og Ingibjörg María Guðmundsdóttir embættismaður.
Fundargerð ritaði: Ingibjörg María Guðmundsdóttir, Yfirsálfræðingur.
Dagskrá:
1. 1504032 - Skólanámskrá Tónlistarskóla Grindavíkur
Inga Þórðardóttir skólastjóri tónlistarskóla fór yfir drög að námskrá skólans. Námskráin gefur góða yfirsýn yfir starfsemi og sérstöðu skólans. Námskráin verður birt á heimasíðu skólans.
2. 1509030 - Tónlistarskóli Grindavíkur: Starfsáætlun 2015-2016
Inga Þórðardóttir skólastjóri tónlistarskóla lagði fram starfsáætlun skólans fyrir skólaárið 2015-2016. Fræðslunefnd telur mikilvægt að sérstaða skólans komi fram í starfsáætlun og sýni um leið hið mikla þróunarstarf sem er í gangi í skólanum. Starfsáætlun verður birt á heimasíðu skólans.
3. 1506134 - Frístundir: Fléttaðar inn í skólatíma nemenda
Þorsteinn Gunnarsson mætir undir þessum lið og kynnti hugmyndir um samþætt skóla- og frístundastarf byggt á reynslu frá Ísafirði. Lagt fram til kynningar.
4. 1507075 - Þjóðarsáttmáli um læsi
Undirritaður samningur lagður fram til kynningar.
5. 1505069 - Skólapúlsinn 2014-2015: Viðbrögð við viðhorfskönnun foreldra
Umbótaáætlun í kjölfar foreldrafundar í sumar lögð fram og Halldóra skólastjóri fylgdi úr hlaði með útskýringum. Ábendingar um fleiri hugmyndir komu fram í umræðum. Skólastjóri leggur fram endurskoðaða umbótaáætlun á fundi nefndarinnar í nóvember.
6. 1509031 - Grunnskóli Grindavíkur: Starfsáætlun 2015-2016
Starfsáætlun grunnskólans lögð fram til staðfestingar. Halldóra gerði grein fyrir helstu áherslum og nýjungum í áætluninni. Fræðslunefnd staðfestir starfsáætlun grunnskólans 2015-2016.
Fleira ekki gert. Fundi slitið kl. 20:00.