Bæjarstjórn Grindavíkur samþykkti á fundi sínum í gærkvöldi að hefja viðræður við velferðarráðuneytið um móttöku flóttamanna og að sveitarfélagið leggi til verkefnisins 2-3 íbúðir. Ríkisstjórnin hefur ákveðið að veita fjármagni til að taka við fleiri flóttamönnum en áður var áætlað, og hafa um 25 sveitarfélög lýst yfir áhuga á að taka þátt í því verkefni.
Nú hefjast viðræður milli sveitarfélaganna og velferðarráðuneytisins, og verður Grindavíkurbær þátttakandi í þeim viðræðum. Á þessu stigi liggur ekki ljóst fyrir hvort og þá hvenær verður af því að flóttamenn flytji til Grindavíkur.
Bókun bæjarstjórnar má lesa í heild sinni í fundargerð 455.