Hreyfing er eldri borgurum gríðarlega mikilvæg

• Fréttir
• 28. september 2015

Samúel Örn Erlingsson sjónvarpsmaður og íþróttakennari kynnti rannsókn sína í Miðgarði á föstudaginn í tilefni Hreyfiviku um líkams- og heilsurækt aldraðra en hann gerði jafnframt sjónvarpsþætti sem vöktu mikla athygli á sínum tíma. 

Samúel Örn sýndi fram á hversu mikilvæg hreyfing er eldra fólki og lagði áherslu á að það er aldrei of seint að byrja. Sýndi hann einnig brot úr sjónvarpsþætti sínum þar sem voru viðtöl við fræðimenn og eldri borgara um gildi þess að hreyfa sig. Hálftíma ganga á dag er t.d. allra meina bót.

Eldri borgarar mættu vel á fyrirlesturinn og ríkti mikil ánægja með þetta framtak.

• Síðast uppfært: 28. september 2015