Solla stirða úr Latabæ kom sá og sigraði í Hreyfivikunni í Grindavík í gær. Hún heimsótti báða leikskólana, Laut og Krók, og lauk svo heimsókn sinni með því að heimsækja 1.-3. bekk í Hópskóla. Solla stirða var ein af þeim sem nennti aldrei að hreyfa sig en íþróttaálfurinn hafði svo jákvæð áhrif á hana að hún hefur verið óstöðvandi að hreyfa sig í ýmsum íþróttum. Henni tókst heldur betur að fá krakkana á hreyfingu og hafði á orði hvað þau væru svakalega fjörug í Grindavík.
Á efstu myndinni er Solla stirða að hnykkla vöðva með krökkunum.
Á Laut tókst Sollu að fá krakkana til að hreyfa sig á fullu.
Krakkarnir á Laut voru hæstánægð með heimsóknina.
Í Hópsskóla fékk Solla stirða þessa þrjá krakka með sér upp á svið til að gera æfingar.
Það var líf og fjör í Hópsskóla. Starfsfólk skólans tók einnig þátt í fjörinu.
Krakkarnir vildu faðma Sollu stirðu.